კომენტარი
ამ დაპირისპირებაში პრეზიდენტი არ არის დამნაშავე - ირმა ინაშვილი
"პატრიოტთა ალიანსის" ლიდერის, ირმა ინაშვილის განცხადებით, დემოკრატიული და ჯანსაღი პროცესია, როცა თუნდაც ხელისუფლების წარმომადგენლებს განსახვავებული მოსაზრებები აქვთ.
შესაბამისი განცხადება ინაშვილმა ქუთაისში პრეზიდენტთან შეხვედრისას გააკეთა.
"სტანდარტი, რასაც "ქართული ოცნება" დღეს ამკვიდრებს ძალიან მძიმეა. პოლიტიკური უნისონის, რაც ძალიან ცუდია და რასაც ეტაპობრივად მივყავართ ავტორიტარიზმისკენ, დიქტატურისკენ. მე არ მიმაჩნია, რომ ეს დაპირისპირება პრეზიდენტსა და მთავრობას შორის განპირობებულია რაიმე მიზეზებით. ეს არის თემატური იდეური დაპირისპირება, რაც აბსოლუტურად ბუნებრივია დემოკრატიული ქვეყნებისთვის. ისე, ჩვენში დარჩეს და, ამ დაპირისპირებაში პრეზიდენტი არ არის დამნაშავე. ამ პროცესში პრეზიდენტი მართალია", - განაცხადა ინაშვილმა.
საქართველოს პრეზიდენტი ქუთაისში დემოკრატიული ჩართულობის ცენტრში "კონსტიტუცია ყველასია" ფარგლებში პოლიტიკური პარტიების წარმოამდგენლებს შეხვდა.
ნინო ექვთიმიშვილი