უკან

უახლესი ამბები

დღის კალენდარი

ანონსები

არქივი

პოლიტიკა

21 სექტემბერი, 2017 12:45
font-size

ამ დრომდე არ გვახსენდება არცერთი მსგავსი მწვავე და არაკორექტული შეფასება - „საერთაშორისო გამჭვირვალობა-საქართველო“

არასამთავრობო ორგანიაცია „საერთაშორისო გამჭვირვალობა-საქართველო“ გამოეხმაურა პარლამენტის წევრთა განცხადებებს დეპუტატების სამეწარმეო საქმიანობაზე გამოქვეყნებული კვლევის შესახებ. არასამთავრობო ორგანიზაციაში აცხადებენ, რომ ისინი პერიოდულად აქვეყნებენ ანგარიშებს დეპუტატების საქმიანობაზე, თუმცა ეს პირველი შემთხვევაა, როცა საერთაშორისო გამჭვირვალობის კვლევამ ასეთი არაკორექტული შეფასება გამოიწვია.

„საერთაშორისო გაჭვირვალობა - საქართველო“ ეხმაურება 19 სექტემბერს გამოქვეყნებული ანგარიშის შემდეგ ზოგიერთი პოლიტიკური ლიდერის, მათ შორის პარლამენტის თავმჯდომარის, არასწორ და არაკორექტულ გამონათქვამებს. უპირველეს ყოვლისა, ჩვენი ორგანიზაცია პერიოდულად აქვეყნებს ანგარიშებს, საქართველოს პარლამენტის წევრთა საქმიანობასთან დაკავშირებით, მათ შორის დეპუტატების ბიზნესთან კავშირებზე, შეუთავსებელ საქმიანობასა და არადეკლარირებულ ქონებაზე. აღნიშნული ანგარიში არის რიგით მე-5. ზოგ შემთხვევაში, პარლამენტთან თანამშრომლობით ვაცნობდით დეპუტატებს ამ მონაცემებს. შედეგად საქართველოს პარლამენტის წევრები ასწორებდნენ დეკლარაციებში არსებულ უზუსტობებს, რაც წარმოადგენს კიდეც მსგავსი ანგარიშების მომზადების მიზანს. ამ დრომდე არ გვახსენდება არცერთი მსგავსი მწვავე და არაკორექტული შეფასება თავად იმ ფაქტის, რომ ჩვენი ორგანიზაცია თავს უყრის და აჟღერებს ინფორმაციას, რომელიც ისედაც განთავსებულია სხვადასხვა სახელმწიფო დაწესებულებების ვებგვერდებზე“, - წერია განცხადებაში.

არასამთავრობოს განმარტებით, კვლევა ეფუძნება საჯარო რეესტრის ეროვნული სააგენტოსა და დეპუტატების მიერ შევსებული ქონებრივი დეკლარაციების მონაცემებს. „საერთაშორისო გამჭვირვალობა--საქართველომ“ აღნიშნა, რომ არცერთ დეპუტატს არ დაუსახელებია მათ ანგარიშში აღმოჩენილი არცერთი ფაქტობრივი შეცდომა.

განცხადებაში მითითებულია, რომ კვლევაში ნახსენებმა პარლამენტარებმა არ უარყვეს კომპანიების არსებობა, თუმცა განაცხადეს, რომ მათ დიდი ხნის წინ შეწყვიტეს სამეწარმეო საქმიანობა.

„კვლევაში ნახსენებმა ზოგმა პარლამენტის წევრმა არც უარყო ამ კომპანიების არსებობა, თუმცა მიუთითა, რომ ამჟამად ან დიდი ხნის განმავლობაში არ ახორციელებს სამეწარმეო საქმიანობას. კანონდებლობის თანახმად, სამეწარმეო სუბიექტი არსებობას მხოლოდ რეგისტრაცის გაუქმების შემდეგ წყვეტს. ყველა კომპანია,

რომელიც ნახსენებია კვლევაში, იძებნება საჯარო რეესტრის ბაზაში „აქტიურის” სტატუსით.კანონის ჩანაწერი კი ცალსახაა - პარლამენტის წევრს არ აქვს უფლება, ახორციელებდეს სამეწარმეო სუბიექტის ხელმძღვანელის უფლებამოსილებას და იმ შემთხვევაში, თუ ის ან მისი ოჯახის წევრი არის კომპანიის წილის მფლობელი, აღნიშნული ფაქტი უნდა მიუთითოს დეკლარაციაში, მიუხედავად იმისა, კომპანია კონკრეტულ მომენტში მუშაობს თუ არა მოგების მიღების მიზნით“, -ნათქვამია განცხადებაში.

მიუხედავად იმისა, რომ არასამთავრობო ორგანიზაციამ ივარაუდა, რომ რეესტრში მითითებული ორგანიზაციები არ ფუნქციონირებენ, ეს არ ათავისუფლკებს დეპუტატს, არ მიუთითოს ეს ინფორმაცია ქონებრივ დეკლარაციაში.

„გაუგებრობის თავიდან აცილების მიზნით, „საერთაშორისო გამჭვირვალობა - საქართველოს“ ანგარიშში ასევე მითითებულია იმის შესახებაც, რომ შესაძლოა კომპანიების ნაწილი აღარ ფუნქციონირებდეს, რადგან მათ შესახებ ინფორმაცია საჯარო რეესტრში წლების მანძილზე არ განახლებულა, თუმცა ეს არ ათავისუფლებს პარლამენტის წევრს ვალდებულებისაგან, რომ კომპანიაში წილის არსებობის შესახებ მიუთითოს თანამდებობის პირის დეკლარაციაში და გათავისუფლდეს დირექტორის თანამდებობიდან“, - განაცხადეს „საერთაშორისო გამჭვირვალობა-საქართველოში“.

ორგანიზაციის ცნობით, ანგარიშის გამოქვეყნების შემდეგ უკვე ორმა დეპუტატმა - დავით სიჭინავამ „ქართული ოცნებიდან“ და მამუკა ჩიქოვანმა „ევროპული საქართველოდან“ მიმართეს საჯარო რეესტრის ეროვნულ სააგენტოს დირექტორის უფლებამოსილების შეწყვეტის შესახებ.

„საერთაშორისო საზოგაოდება-საქართველომ“ იმედი გამოთქვა, რომ პარლამენტარები არ შემოიფარგლებენ განცხადებებით და გადადგამენ ნაბიჯს სიტუაციის გამოსასწორებლად.

შეგახსენებთ, 19 სექტემბერს არასამთავრობო ორგანიზაციამ გამოაქვეყნა კვლევა, სადაც საჯარო რეესტრის მონაცემებზე დაყრდნობით დადგინდა, რომ 9 დეპუტატი სამეწარმეო საქმიანობას ეწევიან. მათ შორის არიან: ედიშერ თოლორაია („ქართული ოცნება“), დიმიტრი სამხარაძე („ქართული ოცნება“), იოსებ მაკრახიძე („ქართული ოცნება“), მამუკა მდინარაძე(„ქართული ოცნება“), მარიამ ჯაში („ქართული ოცნება“), დავით ჭიჭინაძე („ქართული ოცნება“), დიმიტრი ხუნდაძე („ქართული ოცნება“), მამუკა ჩიქოვანი („ევროპული საქართველო- რეგიონები“),გიორგი ლომია (საქართველოს პატრიოტები).

„საერთაშორისო გამჭვირვალობა-საქართველოს“ განმარტებით, კანონმდებლობა ამას კრძალავს, ხოლო დარღვევის აღმოჩენის შემთხვევაში დეპუტატს ვადამდე ადრე პარლამენტის წევრობის უფლებამოსილება უწყდება.

ანა მებურიშვილი

მამუკა ბახტაძე დრეზდენში საქსონიის მიწის პრემიერ-მინისტრს შეხვდა

18 თებერვალი, 2019 , 11:15

საქართველოს პრემიერ-მინისტრი მამუკა ბახტაძე დრეზდენში საქსონიის მიწის პრემიერ-მინისტრ მიხაელ კრეჩმერს შეხვდა. საქართველოს მთავრობის მეთაურის პატივსაცემად გამართულ ოფიციალურ ვახშამზე, მიხაელ კრეჩმერმა მამუკა ბახტაძეს მად

სალომე ზურაბიშვილი საფრანგეთში სამუშაო ვიზიტს იწყებს

18 თებერვალი, 2019 , 10:15

საქართველოს პრეზიდენტი სალომე ზურაბიშვილი საფრანგეთში სამუშაო ვიზიტის ოფიციალურ ნაწილს დღეს დაიწყებს. სალომე ზურაბიშვილს დღეს საფრანგეთის ორპალატიანი პარლამენტის ზედა პალატის, სენატის პრეზიდენტი ჟერარ ლარშე უმასპინძლებს.

პრეზიდენტ ტრამპის ადმინისტრაციის პირობებში აშშ-საქართველოს შორის ურთიერთობა ყველაზე მაღალ ნიშნულზეა - მამუკა ბახტაძე

17 თებერვალი, 2019 , 10:49

ამერიკის შეერთებული შტატები ჩვენი სტრატეგიული პარტნიორია და ძალიან ძლიერი ორპარტიული მხარდაჭერა გვაქვს, - ამის შესახებ საქართველოს პრემიერ-მინისტრმა მამუკა ბახტაძემ მიუნხენის უსაფრთხოების 55-ე კონფერენციის ფარგლებში აღმო

2008 წელს საქართველოს და შემდეგ უკრაინის წინააღმდეგ განხორციელებულმა აგრესიამ სრულიად გამოუთხარა ძირი უსაფრთხოებას და მშვიდობას - მამუკა ბახტაძე

17 თებერვალი, 2019 , 10:45

2008 წელს საქართველოს და შემდეგ უკრაინის წინააღმდეგ განხორციელებულმა აგრესიამ სრულიად გამოუთხარა ძირი უსაფრთხოებას და მშვიდობას, - ამის შესახებ საქართველოს პრემიერ-მინისტრმა მამუკა ბახტაძემ მიუნხენის უსაფრთხოების 55-ე კო

საქართველო ბუნებრივად არის რეგიონულ ცენტრად და ხიდად გადაქცევის კანდიდატი, რითაც ხელს შეუწყობს მზარდ საერთაშორისო სავაჭრო ტვირთბრუნვას ევროკავშირსა და ჩინეთს შორის - მამუკა ბახტაძე

17 თებერვალი, 2019 , 10:41

საქართველო ბუნებრივად არის რეგიონულ ცენტრად და ხიდად გადაქცევის კანდიდატი, რითაც ხელს შეუწყობს მზარდ საერთაშორისო სავაჭრო ტვირთბრუნვას ევროკავშირსა და ჩინეთს შორის, - ამის შესახებ საქართველოს პრემიერ-მინისტრმა მამუკა ბახ

მამუკა ბახტაძე მიუნხენში ალექსის ციპრასს შეხვდა

16 თებერვალი, 2019 , 21:04

საქართველოსა და საბერძნეთის ისტორიულ კავშირებზე, მეგობრულ ურთიერთობებსა და თანამშრომლობის კიდევ უფრო მაღალ დონეზე გადაყვანაზე ისაუბრეს საქართველოსა და საბერძნეთის პრემიერ-მინისტრებმა დღეს გამართულ შეხვედრაზე. მამუკა ბახტ