უკან

დღის კალენდარი

ანონსები

არქივი

პოლიტიკა

25 ოქტომბერი, 2017 16:15
font-size

ამ მარაზმს საქართველოში ჰქვია ღია, გამჭვირვალე, თავისუფალი და დემოკრატიული არჩევნები -ირმა ინაშვილი (ვიდეო)

არჩევნები გაყალბდა, გაყალბდა სამარცხვინოდ და სრულიად ნათელია, რომ ამ ხელისუფლებისთვის არჩევების გაყალბება იქცა წესად, - განაცხადა ,,საქართველოს პატრიოტების“ ერთ-ერთმა ლიდერმა, ირმა ინაშვილმა საგანგებო ბრიფინგზე.

,,დასრულდა ადგილობრივი თვითმმართველობის არჩევნების პირველი ტური. ეს არჩევნები კვლავ აღსავსე იყო საოცრებებითა და გაუგებრობებით. ათობით უბანზე, სადაც ჩვენმა წარმომადგენლებმა, მხარდამჭერებმა და კომისიის წევრებმა ხმა მოგვცეს, რატომღაც, ნული ხმა ავიღეთ და ეს გასაოცარია. არის უბნები, სადაც ჩვენმა მაჟორიტარმა, თურმე, საკუთარ თავს კი არა, კონკურენტ კანდიდატს, ანუ მეტოქეს მისცა ხმა. სიის პირველმა ნომერმა კი, თავისი პარტია კი არ შემოხაზა, არამედ სხვისი პარტია. ეს უკვე გასაოცარიცაა და გაუგებარიც.

გამოიკვეთა სრულიად ახალი ტენდენცია. პარტია უფრო მეტ ხმას იღებს, ვიდრე მისი მაჟორიტარები. მათ შორის, მეც. მიუხედავად იმისა, რომ ჩვენს პარტიას ჰქვია „დავით თარხან-მოურავი, ირმა ინაშვილი- საქართველოს პატრიოტთა ალიანსი“ მე, რატომღაც, ორჯერ ნაკლები ხმა ავიღე, ვიდრე პარტიამ. ეს გასაოცარია, მაგრამ გაუგებარი არაა. ამით ხელისუფლებამ გვითხრა, რომ 2020 წელს ჩვენი პარტიისა და სხვა პარტიების წევრებიც უკვე მასობრივად ხმას მისცემენ მხოლოდ „ქართული ოცნების“ მაჟორიტარებს. არც ისაა გამორიცხული, რომ მომავალში ჩვენი სიის პირველმა ათეულმა სრულად ხმა მისცეს „ქართულ ოცნებას“ და არა საკუთარ თავს.

კვლავ შეგახსენებთ, რომ ამ ორ თვეში ჩვენს საპროტესტო აქციებში 5-ჯერ მეტი ადამიანი მონაწილეობდა, ვიდრე ყველა დანარჩენ ოპოზიციურ პარტიას ერთად შეუკრებია, მაგრამ, რატომღაც, გაგვისწრეს კანდიდატებმა, რომლებიც მათ მიერ მოხმობილ აქციაზე, ერთად 5000 კაცსაც კი ვერ შეკრებენ.

შეგახსენებთ, ასევე, რომ ყველა საარჩევნო უბანზე სარეგისტრაციო მაგიდებთან მასობრივად იდგნენ, ამ სიტყვის სრული მნიშვნელობით, რევიზორები, რომლებიც ფაქტობრივად ამომრჩევლის კონტროლისა და ამომრჩეველზე ზეწოლის იარაღს წარმოადგენდნენ. აი, ამან უკვე საერთაშორისო ორგანიზაციებიც გააოცა.

ამ მარაზმს საქართველოში ჰქვია ღია, გამჭვირვალე, თავისუფალი და დემოკრატიული არჩევნები.

გაყალბდა, თუ არა არჩევნები? არჩევნები გაყალბდა, გაყალბდა სამარცხვინოდ და სრულიად ნათელია, რომ ამ ხელისუფლებისთვის არჩევების გაყალბება იქცა წესად. უნდა გავითავისოთ, რომ თუ ახლა არ ვიბრძოლებთ, აუცილებლად გაყალბდება საპრეზიდენტო არჩევნებიც და აუცილებლად გაყალბდება 2020 წლის საპარლამენტო არჩევნებიც“, - განაცხადა ინაშვილმა.

,,პატრიოტთა ალიანსის“ ლიდერმა დღევანდელ ბრიფინგზევე აქცია დაანონსა.

,,ამიტომ, რა უნდა ვქნათ ჩვენ? - ჩვენ უნდა ვიბრძოლოთ! ცხადია, ჩვენ გავასაჩივრებთ ყველა შემაჯამებელ ოქმს, ყველა ოლქში. ჩვენ ასევე, ვიმოქმედებთ საპროტესტო აქციების გზით. ჩვენ გავზრდით შიმშლობის და მჯდომარე აქციის მასშტაბს და გავზრდით საპროტესტო ტალღას.

მოვუწოდებ ყველას: შემოგვიერთდით 29 ოქტომბერს, დღის 4 საათზე, რესპუბლიკის მოედანზე, სასტუმრო „ივერიასთან“. ჩვენ გავაგრძელებთ ბრძოლას და მივაღწევთ, რომ პირველი - ვამხილოთ ბოკერიასთან გარიგებული კვირიკაშვილის მთავრობა, ვამხილოთ, ეს შეთქმულება და მეორე - ამ ქვეყანაში ბოლოს და ბოლოს შევქმნათ ფუნდამენტი, რომ ჩატარდეს თავისუფალი, ღია, დემოკრატიული და გამჭვირვალე არჩევნები“, - განაცხადა ირმა ინაშვილმა.

მისივე თქმით, ,,პატრიოტთა ალიანსის“ ყველა მოთხოვნა ერთიანდება ერთ მოთხოვნაში, რომელიც უკვე გამოიფინა პარლამენტის წინ - გადადგეს კვირიკაშვილის მთავრობა.

,,ამ მოთხოვნას არ მოვხსნით დღის წესრიგიდან და მეტიც, როგორც თქვენ გიყურებთ ახლა, ისე გეუბნებით, რომ კვირიკაშვილს გადავაყენებთ“, - მიმართა ინაშვილმა ჟურნალისტებს.

ნინო ექვთიმიშვილი


პარტიის თავმჯდომარის გადასაწყვეტია, იქნება თუ არა პარტიული სიის სათავეში - მამუკა მდინარაძე

10 ივლისი, 2020 , 15:20

„იქნება თუ არა ბიძინა ივანიშვილი სიის პირველი ნომერი, ეს არის მხოლოდ და მხოლოდ პარტიის ხელმძღვანელის გადასაწყვეტი,” – ამის შესახებ საპარლამენტო უმრავლესობის ლიდერმა, მამუკა მდინარაძემ განაცხადა. მისი თქ

მიხეილ სააკაშვილის განცხადებასთან დაკავშირებით, საგარეო უწყებაში უკრაინის ელჩთან შეხვედრა გაიმართა

10 ივლისი, 2020 , 15:20

საგარეო საქმეთა სამინისტროში საქართველოში უკრაინის საგანგებო და სრულუფლებიან ელჩთან იგორ დოლგოვთან შეხვედრა გაიმართა. როგორც „მედიანიუსს“ საგარეო საქმეთა სამინისტროდან აცნობეს, შეხვედრაზე ქართულმა მხარემ კიდე

საქართველოს პროგრესს არაფერი ემუქრება -გიორგი გახარია

10 ივლისი, 2020 , 13:20

ჯერჯერობით, ეს არის საკანონმდებლო ინიციატივა, რომელიც კომიტეტებს გადის. რა თქმა უნდა, ამაში სასიამოვნო არაფერი არ არის. მიუხედავად იმისა, ჩვენ ყველას გვესმის, რომ ის პუნქტები, რომელიც იქ არის ჩამოთვლილი, საქართველო ყოველ

თუნდაც მე ვიქნები ბოლო ნომერი, სიაში ვინ იქნება პირველი, ამას არ აქვს მნიშვნელობა - გიორგი გახარია

10 ივლისი, 2020 , 12:50

სიაში ვინ იქნება პირველი, ამას კი არ აქვს მნიშვნელობა, მთავარია ყველამ - ოპოზიციამ, მთავრობამ, სამოქალაქო საზოგადოებამ, ჩავატაროთ სანიმუშო არჩევნები, - ამის შესახებ საქართველოს პრემიერ-მინისტრმა, გიორგი გახარიამ, ჟურნალი

„ქართული ოცნების“ კლანური მმართველობა საქართველოს ძალიან ძვირი უჯდება - გიორგი ვაშაძე

10 ივლისი, 2020 , 12:15

„ამერიკის კონგრესის საფინანსო საბიუჯეტო კომიტეტმა საქართველოს მიმართ სანქციები დააწესა, რომელიც საქართველოს სახელმწიფოს და თითოეულ მოქალაქეს პრობლემებს შეუქმნის,“ - ამის შესახებ „ახალი საქართველოს&ldquo

ვახტანგ გომელაურმა საქართველოში ევროპის საბჭოს ოფისის ხელმძღვანელთან, კრისტიან ურსესთან გამოსამშვიდობებელი შეხვედრა გამართა

10 ივლისი, 2020 , 11:10

საქართველოს შინაგან საქმეთა მინისტრმა, ვახტანგ გომელაურმა გამოსამშვიდობებელი შეხვედრა გამართა საქართველოში ევროპის საბჭოს ოფისის ხელმძღვანელთან, კრისტიან ურსესთან, რომელიც საქართველოში ხუთწლიან მოღვაწეობას ასრულებს. საქა

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე