საზოგადოება

არ ავყვებით ცდუნებას, ჩვენი ინტერესების გამტარებელი სახალხო დამცველი ავირჩიოთ - მამუკა მდინარაძე

ფრაქცია „ქართული ოცნების“ თავმჯდომარემ მამუკა მდინარაძემ განმარტა, არასამთავრობო ორგანიზაციების მიერ წარდგენილი სახალხო დამცველის 4 კანდიდატიდან, რატომ გააკეთა მმართველმა გუნდმა არჩევანი ნინო ლომჯარიაზე.

„მოგეხსენებათ, ყველა ხელისუფლების წინაშე არსებობს ცდუნება, რომ მათ თავიანთი მოწონებული, თავიანთი ინტერესების გამტარებელი სახალხო დამცველი აირჩიოს. ჩვენ ამ ცდუნებას, ბუნებრივია, არ ავყვებით, რადგან ჩვენ ნამდვილად გვინდა, რომ ამ ქვეყანაში იყოს დემოკრატია, და ვიფიქროთ მომავალზე. ნინო ლომჯარია, მიუხედავად იმისა, რომ იქნება ძალიან კრიტიკული, ის არის ამავე დროს ობიექტური ადამიანი, პროფესიონალი, კარგი იურისტი, ამიტომ, საპარლამენტო უმრავლესობამ გადაწყვიტა, რომ სწორედ ის იყოს წარდგენილი სახალხო დამცველის კანდიდატად“, - განაცხადა მდინარაძემ.

ანა მებურიშვილი