პოლიტიკა

არ უნდა დავუშვათ, რომ ყველა გაუნაწილებელი მანდატი ერთმა პარტიამ მიიტაცოს - ირმა ინაშვილი

„პატრიოტთა ალიანსის“ წევრის, ირმა ინაშვილის განცხადებით, მმართველმა გუნდმა უნდა შეცვალოს ჩანაწერი გაუნაწილებელ მანდატებთან დაკავშირებით.

როგორც ინაშვილმა აღნიშნა, თუ საკონსტიტუციო პროექტით წარდგენილი სისტემა არ შეიცვალა, გაუნაწილებელ მანდატებს ერთი პარტია მიიტაცებს.

„თუ დადგა არჩევანის საკითხი, რა სჯობს, სჯობს ის, რომ გადასანაწილებელი მანდატების მოდელი შეიცვალოს, რაც არის წარმოდგენილი. არ შეიძლება, დარჩენილ ხმებს იღებდეს ან ითვისებდეს მხოლოდ ერთი პარტია. ეს ნიშნავს ხელისუფების მიტაცებას და ეს არ უნდა დავუშვათ“,- განაცხადა ინაშვილმა.

შეგახსენებთ, საკონსტიტუციო პროექტში გაუნაწილებელ მანდატებს მხოლოდ პირველ ადგილზე გასული პარტია მიიღებს.

ანა მაბურიშვილი