უკან

უახლესი ამბები

დღის კალენდარი

ანონსები

არქივი

პოლიტიკა

6 მარტი, 2017 17:45
font-size

არანაირი ბანაკები არ შეიძლება გაიხსნას საქართველოში, სადაც საკუთარი სამასი ათასი ლტოლვილია - დავით თარხან-მოურავი

პარლამენტის თავმჯდომარის მოადგილე, ფრაქცია „საქართველოს პატრიოტების“ წევრი ირმა ინაშვილი ავსტრიის საგარეო საქმეთა მინისტრის, სებასტიან კურცის ინიციატივას ლტოლვილთა ცენტრების ევროკავშირის ფარგლებს გარეთ განთავსების თაობაზე დღეს პარლამენტში გამართულ ბრიფინგზე გამოეხმაურა.

ირმა ინაშვილმა იმ რისკ-ფაქტორებზე ისაუბრა, რაც მისი მოსაზრებით, მსგავსი იდეის განხორციელებას შესაძლოა მოჰყვეს. მისი განცხადებით, ლტოლვილთა შემაკავებელი ბანაკების შექმნა საქართველოს ბუფერულ ზონად გადააქცევს, რაც ქვეყნისთვის სახიფათოა.

დღევანდელ ბრიფინგს „პატრიოტთა ალიანსის“ ლიდერი დავით თარხან მოურავიც ესწრებოდა.

,,გვესმის, რომ ძალიან მძიმე ვითარებაა ლიბიაში, სირიაში და სხვა ქვეყნებში, სადაც დაძაბული, საომარი მდგომარეობაა. ყველას გვესმის, რომ უამრავი ლტოლვილია. უკვე საუბარია მილიონ ნახევარ ლტოლვილზე, თუმცა უახლოეს პერიოდში ორნახევარი მილიონი სახელდება და სამი მილიონიც კი.

გვესმის, რომ ევოპაში ამ კუთხით არის მძიმე ვითარება და ისინი ეძებენ გამოსავალს, მაგრამ არავინ არ უნდა იფიქროს, რომ საქართველო შეიძლება იყოს ეს გამოსავალი’’, - განაცხადა დავით თარხან-მოურავმა.

მისი თქმით, ავსტრიის საგარეო საქმეთა მინისტრის განცხადებაში საუბარია ლტოლვილების შემაკავებელ ბანაკებზე.

,,მსგავსი ბანაკების შექმნა ქვეყანაში იქნება დაძაბულობის ახალი წყარო. მე მაქვს იმედი, რომ ჩვენ ყველას, პირველ რიგში კი ხელისუფლებას, ესმის, რომ საქართველო არავითარ შემთხვევაში არ შეიძლება იყოს ბუფერული ზონა. ჩვენ გვაქვს იმედი, რომ არანაირი ბანაკები, რაც არ უნდა დაერქვას მას, არ შეიძლება გაიხსნას საქართველოში, ქვეყანაში, სადაც საკუთარი, სამასი ათასი ლტოლვილია, რომელთა პრობლემები დღემდე მოუგვარებელია,“-განაცხადა დავით თარხან-მოურავმა.

,,პატრიოტთა ალიანსი’’ მოუწოდებს ხელისუფლებას, საგარეო საქმეთა სამინისტროს, საჯარო განცხადება გააკეთოს და ავსტრიის საგარეო საქმეთა მინისტრისგან მკაფიო განმარტებები მიიღოს მისი განცხადების თაობაზე.

თავის მხრივ, როგორც ირმა ინაშვილმა აღნიშნა, ავსტრიის საგარეო საქმეთა მინისტრი, რომელიც ამჟამად ამავდროულად არის ეუთო-ს მოქმედი ხელმძღვანელი საქართველოში თებერვლის დასაწყისში იმყოფებოდა. საქართველოში შექმნილ მდგომარეობას გაეცნო და ლტოლვილთა არაერთი დასახლებაც მოინახულა.

„საქართველოს ხელისუფლებას კომუნიკაცია თავისუფალ რეჟიმში აქვს სებასტიან კურცთან.

აუცილებელია საგარეო საქმეთა სამინისტრომ ოფიციალური, საჯარო განცხადება გააკეთოს კურცის ამ განცხადებასთან დაკავშირებით და კიდევ ერთხელ მიმართოს ავსტრიის საგარეო საქმეთა მინისტრს და მისგან მკაფიო განმარტებები მიიღოს. მაქვს იმედი, რომ ხელისუფლებას ექნება ძალიან მტკიცე პოზიცია და მსგავსი ტიპის იდეის განხორციელება ჩვენს ქვეყანაში არ იქნება შესაძლებელი. მით უფრო, რომ ამას არც ევროკავშირი და არც რომელიმე ევროსტრუქტურა, ჩვენ, როგორც ასოცირებულ წევრებს არ გვავალდებულებს“, - განაცხადა თარხან-მოურავმა.

დევნილთა ცენტრის საქართველოში გახსნის თაობაზე მინიშნება, ავსტრიის საგარეო საქმეთა მინისტრმა ერთ-ერთ ინტერვიუში გააკეთა. სებასტიან კურცი მიიჩნევს, რომ ახლო აღმოსავლეთიდან და ჩრდილო აფრიკიდან იძულებით გადაადგილებული პირების განთავსების ცენტრები ეგვიპტეში, ბალკანეთსა და საქართველოში უნდა შეიქმნას.

ნინო ექვთიმიშვილი

საქართველოს პრეზიდენტი სამუშაო ვიზიტით დანიას ეწვევა

16 სექტემბერი, 2019 , 10:15

საქართველოს პრეზიდენტი სალომე ზურაბიშვილი დღეს სამუშაო ვიზიტით დანიის სამეფოში გაემგზავრება. საქართველოს პრეზიდენტის ადმინისტრაციიდან ინფორმაციით, კოპენჰაგენში საქართველოს პრეზიდენტი ჯანდაცვის მსოფლიო ორგანიზაციის რეგიონ

ლაშა ჟვანიამ ისრაელის პრეზიდენტს რწმუნებათა სიგელები გადასცა

13 სექტემბერი, 2019 , 16:55

ქალაქ იერუსალიმში, 12 სექტემბერს ისრაელის სახელმწიფოს პრეზიდენტის რეზიდენციაში საქართველოს საგანგებო და სრულუფლებიანი ელჩის, ლაშა ჟვანიას ისრაელის პრეზიდენტისთვის, რუვენ რივლინისთვის რწმუნებათა სიგელების გადაცემის ცერემო

სალომე ზურაბიშვილი ნატო-ს საპარლამენტო ასამბლეის პრეზიდენტს შეხვდა

13 სექტემბერი, 2019 , 15:25

საქართველოს პრეზიდენტი სალომე ზურაბიშვილი ნატო-ს საპარლამენტო ასამბლეის პრეზიდენტს მედლინ მუნის და ნატო-ს საპარლამენტო დელეგაციას შეხვდა. პრეზიდენტის სასახლეში გამართულ შეხვედრაზე მხარეებმა საქართველო-ნატო-ს ურთიერთობები

გუბერნატორების პასუხისმგებლობა სრულად პერსონალიზებული იქნება - გიორგი გახარია

13 სექტემბერი, 2019 , 15:03

რეგიონებში, ჩვენი მოქალაქეებისთვის მთავრობის განსახიერება არის ის ჩინოვნიკი, რომელიც მათ პრობლემებს ან აგვარებს, ან - ვერა და ამ მიმართულებით გუბერნატორების პასუხისმგებლობა სრულად პერსონალიზებული იქნება, - ამის შესახებ ს

გაერთიანებული ოპოზიციის ლიდერები ბერლინში ოფიციალურ შეხვედრებს მართავენ

13 სექტემბერი, 2019 , 14:35

გაერთიანებული ოპოზიციის ლიდერები: გრიგოლ ვაშაძე, გიორგი ვაშაძე და თინა ბოკუჩავა ბერლინში ოფიციალურ შეხვედრებს მართავენ. შეხვედრის ფარგლებში “ძალა ერთობაშიას” ლიდერები გერმანიის ქრისტიან დემოკრატიული კავშირის

შვეიცარიის პრეზიდენტი გიორგი გახარიას: „გთხოვთ ეს მოლოცვის წერილი მიიღოთ ჩემი თქვენდამი უდიდესი პატივისცემის რწმუნებად“

13 სექტემბერი, 2019 , 13:20

შვეიცარიის პრეზიდენტმა ული მაურერმა გიორგი გახარიას პრემიერ-მინისტრის თანამდებობის დაკავება მიულოცა. ამის შესახებ მთავრობის ადმინისტრაცია იტყობინება. მთავრობის ადმინისტრაციის ცნობით, შვეიცარიის პრეზიდენტი მილოცვაში ხაზს

პირდაპირი TV

daily calendar

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს