არქივი
პოლიტიკა
არც აფხაზებს, არც ოსებს არ სურთ და აღარასდროს არ დათანხმდებიან, რომ იყვნენ საქართველოს ავტონომიები - ადა მარშანია
აბსოლუტურად სერიოზულად გეკითხებით, გავიაზრეთ თუ არა და გავითავისეთ თუ არა, რომ არც აფხაზებს, არც ოსებს, არც სოხუმს და არც ცხინვალს არ სურთ და აღარასდროს არ დათანხმდებიან, რომ იყვნენ საქართველოს ავტონომიები? არ დათანმხდებიან ავტონომიურ სტატუსზე,- განაცხადა ფრაქცია ,,საქართველოს პატრიოტების’’ წევრმა, ადა მარშანიამ პარლამენტში, საგაზაფხულო სესიაზე.
"ვიცით, რომ სოხუმშიც და ცხინვალშიც მიმდინარეობს პროცესები, რომელთა შედეგად სოხუმიც და ცხინვალიც უფრო მეტად ინტეგრირდება რუსეთში, ხდება მისი ნაწილი და უფრო და უფრო მეტად გვწყდება ჩვენ. რამდენიმე კითხვა მაქვს ჩემს კოლეგებთან. მისი დასმის სურვილი გამიმძაფრა ჩემმა მუშაობამ საკონსტიტუციო კომისიაში, როდესაც მივადექით ქვეყნის ტერიტორიული მთლიანობის საკითხს და ისეთი მსჯელობა დავინახე და მოვისმინე, რომ მძაფრი შეგრძნება მქონდა, ვიმყოფები 90-იან წლებში.
აბსოლუტურად სერიოზულად გეკითხებით, გავიაზრეთ თუ არა და გავითავისეთ თუ არა, რომ არც აფხაზებს, არც ოსებს, არც სოხუმს და არც ცხინვალს არ სურთ და აღარასდროს არ დათანხმდებიან, რომ იყვნენ საქართველოს ავტონომიები? არ დათანმხდებიან ავტონომიურ სტატუსზე. გვესმის ეს ჩვენ თუ არა და ვაპირებთ თუ არა ამაზე ფიქრსა და მსჯელობას? ვაცნობიერებთ, თუ არა, რომ აფხაზებსა და ოსებს, სოხუმსა და ცხინვალს ჩვენთან არც ფედერაციული ურთიერთობა არ უნდა და არც კონფედერაციული. ვაცნობიერებთ თუ არა ამას ჩვენ და ვფიქრობთ, თუ არა, რა ვქნათ ამ თვალსაზრისით? ვაცნობიერებთ თუ არა, რომ ომი შეუძლებელია და ამით ჩვენ ვერ დავიბრუნებთ ვერც სოხუმს, ვერც ცხინვალს. რატომ არ ვმსჯელობთ არასდროს სხვა გზებზე?! ჩემი წარმოდგენით, ამ საკითხით უნდა იწყებოდეს პარლამენტის ყველა სხდომა! 15 წელია ვიღებთ რეზოლუციებს, მაგრამ მათ შედეგად არანაირ სარგებელს, შედეგს, საგნობრივ შედეგს ვერ ვიღებთ. უფრო მეტად გვშორდებიან ისინი ჩვენ",- განაცხადა მარშანიამ.