პოლიტიკა
აშშ-ს საელჩო მოუწოდებს საქართველოს მთავრობას სწრაფად და გამჭვირვალედ გამოიძიოს არჩევნებთად დაკავშირებული ყველა საჩივარი
საქართველოში ამერიკის შეერთებული შტატების საელჩოს განცხადებით, ჩატარებული ადგილობრივი არჩევნები კარგად იყო ადმინისტრირებული და დიდწილად მშვიდობიან გარემოში, თავისუფლების ფუნდამენტური უფლების დაცვით ჩატარდა.
ამის შესახებ საელჩოს მიერ გავცრელებულ განცხადებაშია ნათქვამი, რომელიც საელჩოს ვებ-გევრდზე განთავსდა.
„ამერიკის შეერთებული შტატების საელჩო ულოცავს საქართველოს მთავრობასა და ხალხს გუშინ ჩატარებულ ადგილობრივ არჩევნებს, რომელიც კარგად იყო ადმინისტრირებული და დიდწილად მშვიდობიან გარემოში ჩატარდა თავისუფლების ფუნდამენტური უფლების დაცვით.
ვეთანხმებით ეუთოს წინასწარ ანგარიშს, რომელშიც დადებითად აღინიშნა,რომ კანდიდატებს თავისუფლად შეეძლოთ კამპანიის ჩატარება, ზოგადად, შეკრებისა და გამოხატვის თავისუფლება დაცული იყო. აგრეთვე ვიზიარებთ ეუთოს მოსაზრებას,რომ მმართველი პარტიის უპირატესი პოზიცია ხაზს უსვამს მის პასუხისმგებლობას უზრუნველყოს ისეთი გარემო, სადაც კონკურენტების შესაძლებლობები არ შეიზღუდება. ეუთოს შეფასებაში ასევე საუბარია საჩივრებზე ამომრჩეველთა დაშინებისა დაადმინისტრაციული რესურსის ბოროტად გამოყენების შესახებ. მოვუწოდებთ საქართველოს მთავრობას სწრაფად და გამჭვირვალედ გამოიძიოს არჩევნებთად დაკავშირებული ყველა საჩივარი.
ამერიკის შეერთებული შტატები აგრძელებს ჩვენი საერთო მიზნის განხორციელებას და მხარს უჭერს საქართველოს პოლიტიკურ-ეკონომიკურ განვითარებას და მის სწრაფვას გაწევრიანდეს ევროატლანტიკურ ინსტიტუტებში. კიდევ ერთხელ გამოვხატავთ ჩვენს ურყევ მხარდაჭერას საქართველოს ტერიტორიული მთლიანობისადმი საერთაშორისოდ აღიარებულსაზღვრებში“,-ნათქვამია განცხადებში.