უახლესი ამბები
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
- 26.04.2024 12:3029 აპრილს რუსთაველზე დგომა არის ისტორიული სირცხვილი - ზურაბ ჯაფარიძე
- 26.04.2024 12:22საქართველოს ევროინტეგრაცია ვერც მიხეილ სააკაშვილის თავისუფლებაზე და ვერც ივანიშვილის დასანქცირებაზე ან ვიღაცების დასანქცირებაზე ვერ გაივლის -გიორგი გახარია
- 26.04.2024 11:41საქართველოს ბანკის მხარდაჭერით G&A ჯგუფი საწარმოო ხაზსა და სიმძლავრეებს აფართოებს
- 26.04.2024 08:54ვეღარ ვივლით ევროპაში უვიზოდ, როდესაც ქვეყანას, რუსული წესებით მართავს რუსული ხელისუფლება - ნიკა მელია
არქივი
კომენტარი
ასობით ათასი ადამიანი ამათი უტვინობის და ცუდმედიდობის მსხვერპლი გახდა - ნუგზარ წიკლაური
დღეს ვიგებთ, რომ არავითარი თავდასხმა სასულიერო პირზე არ იგეგმებოდა და ასობით ათასი ადამიანი ამათი უტვინობის და ცუდმედიდობის მსხვერპლი გახდა, - ასე ეხმაურება ნაციონალური მოძრაობის წევრი, ნუგზარ წიკლაური დღეს გავრცელებულ ინფორმაციას, რომლის მიხედვითაც, პროკურატურამ საქართველოს საპატრიარქოს მაღალი იერარქიის სასულიერო პირის მკვლელობის მცდელობის ფაქტი უარყო.
,,მეხუთე დღეა, საქართველოს მოქალაქეები და ქართული მართლმადიდებელი საზოგადოება შოკირებულნი არიან პროკურატურის ცნობით პატრიარქ ილია მეორეზე თავდასხმის შესახებ.
პრემიერი, მინისტრები, პარლამენტის წევრები უნისონში ულოცავდნენ ხალხს უდიდესი ტრაგედიის თავიდან არიდებას; ცხადია, მთავრობის და პროკურატურის ღვაწლის სათანადო აღნიშვნით.
პრემიერმა ისიც კი თქვა, ჩემი პირადი დაცვა ვაფრინეო ბერლინში პატრიარქის გადასარჩენად...
დღეს ვიგებთ, რომ არავითარი თავდასხმა სასულიერო პირზე არ იგეგმებოდა და ასობით ათასი ადამიანი ამათი უტვინობის და ცუდმედიდობის მსხვერპლი გახდა.
აპოკალიპტური ვნებებიც ამ დეგრადირებული მავნებლების მორცხვმა ღიმილმა შეცვალა, - მთლად ეგრე არ გვითქვამსო.
დღეს კიდევ ერთხელ ვრწმუნდებით, რაოდენ უპასუხისმგებლო და უტიფარია მთავრობა, რომელიც მოქალაქეების საცდელ ბაჭიებად გადაქცევასაც არ ერიდება პოლიტიკური სარგებლის ძებნაში.
კომბლებით უნდა გავყაროთ, ვისაც ამ ქვეყნის მომავალი რამედ უღირს!’’ - წერს ნუგზარ წიკლაური.
ნინო ექვთიმიშვილი