კომენტარი
აუცილებელია საგამოძიებო კომისიამ გასცეს რეკომენდაცია იმაზე, თუ რა არის შესაცვლელი სკოლის უსაფრთხოების მიმართულებით - სერგო რატიანი
აუცილებელია კომისიამ გასცეს რეკომენდაცია იმაზე, თუ რა პრობლემები აქვს დღეს სკოლას და რა არის შესაცვლელი სკოლის უსაფრთხოების მიმართულებით, - განაცხადა ხორავას ქუჩაზე მოზარდების მკვლელობის საქმეზე პარლამენტის დროებითი საგამოძიებო კომისიის წევრმა სერგო რატიანმა.
როგორც რატიანმა ჟურნალისტებს განუცხადა, სკოლის უსაფრთხოების სისტემის მორღვევა როგორც განათლების, ისე შს მინისტრმაც აღიარა.
„მნიშვნელოვანია არამხოლოდ გამოძიების დეტალები, რომელიც მათ იციან, არამედ არის კიდევ მეორე მხარე, რა პრობლემები აქვს ზოგადად სკოლას. ამ პრობლემების ირგვლივ ჩვენ გვექნება კითხვები და მოვისმენთ პასუხებს. ეს კითხვები ეხება უსაფრთხოებასთან დაკავშირებულ პრობლემებს. აუცილებელია კომისიამ გასცეს რეკომენდაცია იმაზე, თუ რა პრობლემები აქვს დღეს სკოლას და რა არის შესაცვლელი სკოლის უსაფრთხოების მიმართულებით.
ის, რომ სკოლის უსაფრთხოების სისტემა მოირღვა 2012 წლის შემდეგ ეს აღიარა ყველამ, მათ შორის განათლებისა და შს მინისტრებმაც. შესაბამისად, ამასთან დაკავშირებით ჩვენ გვექნება კითხვები და იმედია, მოვისმენთ დირექტორებისგან კონკრეტულ პასუხებს“, - განაცხადა სერგო რატიანმა.