პოლიტიკა

აუცილებელია საკონსტიტუციო ცვლილებებში ყველა მხარე იყოს ჩართული - გიორგი აბაშიშვილი

პრეზიდენტის ადმინისტრაციის ხელმძღვანელის, გიორგი აბაშიშვილის განცხადებით, მნიშვნელოვანია, რომ კონსტიტუციის შემუშავების პროცესში ყველა მხარე იყოს ჩართული.

აბაშიშვილმა აღნიშნა, რომ უნდა იყოს მიღწეული კონსესუსი, რაზეც ყურადღებას ამახვილებდა ვენეციის კომისიის თავმჯდომარე ჯანი ბუკიკიო.

„ძალიან მნიშვნელოვანია, რომ დოკუმენტის [კონსტიტუციის] შემუშავების პროცესში, რომელიც არის თანხმობის დოკუმენტი, მიღწეული იყოს კონსენსუსი. ეს აღინიშნა ვენეციის კომისიის შეფასებებში ბატონი ბუკიკიოს მიერაც. აუცილებელია, ყველაფერი გაკეთდეს, რათა მივიდეთ კონსენსუსამდე, რომელ პროცესშიც ყველა მხარე იქნება ჩართული. არ არის სწორი, როცა ხდება ერთი დოკუმენტის შემუშავება, მეორის წარდგენა კომისიაში და მესამის მიღება პარლამენტის მიერ. აუცილებელია, რომ პროცესი წარიმართოს კონსენსუსით და მასში ყველა მხარე იყოს ჩართული“, - განუცხადა ჟურნალისტებს აბაშიშვილმა.