პოლიტიკა

აუცილებლად იქნება უზრუნველყოფილი გუნდის განახლება, ახალი სისხლი, ეს არის ძალიან მნიშვნელოვანი - ირაკლი კობახიძე

პარლამენტის თავმჯდომარის, ირაკლი კობახიძის თქმით, გუნდის განახლება აუცილებლად მოხდება.

„გახსოვთ, რომ 2015 წელს, ასევე დავაანონსეთ გუნდის განახლება, მაშინ ორი წლის თავზე საპარლამენტო არჩევნებისთვის. ამის შედეგები იხილა საზოგადოებამ. დღესაც ვართ ჩვენ იგივე გამოწვევის წინაშე, აუცილებლად იქნება უზრუნველყოფილი გუნდის განახლება, ახალი სისხლი, ეს არის ძალიან მნიშვნელოვანი და რასაც სათანადო დროს იხილავს ქართული საზოგადოება. ეს არის ჩვენი ამოცანა“,- განაცხადა კობახიძემ.

კითხვაზე, კონკრეტულად ვის შეეხება საკადრო ცვლილება, კობახიძემ ასე უპასუხა: „საკითხის ასე დასმა არ არის სწორი, მთავარია, გუნდის განახლება, გადახალისება, მთავარია, საბოლოო ჯამში, ის, რომ მმართველობის თითოეულმა რგოლმა იმუშაოს სათანადოდ, თუ სადმე არის ხარვეზი, ჩამორჩენა, ამას სჭირდება ჩარევა და ეს ჩარევა იქნება“.