საზოგადოება
,,ბანკები და ფინანსები’’ ქართველ მილიონერთა კლუბის ახალ ათეულს აქვეყნებს
გამოცემა ,,ბანკები და ფინანსები’’ ქართველ მილიონერთა კლუბის ახალ ათეულს აქვეყნებს.
როგორც გამოცემა წერს, ზოგი მათგანი საზოგადოებისთვის კარგად არის ცნობილი, ზოგი ნაკლებად.
,,რაც მთავარია, ჩვენ ვცდილობთ საზოგადოებას გავაცნოთ შეძლებული ადამიანები, დავეხმაროთ მათ თავიანთი ქონებრივი მდგომარეობის მიუხედავად, დარჩნენ საზოგადოების სრულფასოვან და ღირსეულ წევრებად. დაძლიონ ის უფსკრული რაც ღარიბ ქვეყანაში წარმოიქმნება ხოლმე მილიონერებსა და უკიდურეს სიღარიბეში მცხოვრებ უმრავლესობას შორის.
ჩვენ მაქსიმალურად დავიცავთ პრინციპს, რომ ესა თუ ის პიროვნება მილიონერად არ გამოვაცხადოთ ჭორებისა და მითქმა-მოთქმის საფუძველზე.
ჩვენ დავეყრდნობით მათ მიერვე გასაჯაროებულ და დადასტურებულ მონაცემებს, უწინარეს ყოვლისა, ქონებრივ დეკლარაციებს, ,,ფორბსის”, რუსული ,,ფინანსი”-ს, ქართული კვლევითი ორგანიზაციების მონაცემებს. თუ ესა თუ ის პიროვნება არ დაეთანხმება ჩვენს ვერსიას, ვიღებთ ვალდებულებას, მომდევნო ნომერში უარვყოთ ინფორმაცია’’, - წერს ,,ბანკები და ფინანსების’’ ანალიტიკური ჯგუფის წარმომადგენელი გიორგი კაპანაძე.
ათეული შემდეგნაირად გამოიყურება:
1. ივლიანე წულაია – პარლამენტარი, შპს ,,არქის” აღმასრულებელი დირექტორი – 5 მილიონი
2. თამაზ ნავერიანი – პარლამენტარი, ააიპ მარნეულის მუნიციპალიტეტის სპორტკომპლექსის დირექტორი – 3 მილიონი
3. ირაკლი კოვზანაძე – პარლამენტარი, საფინანსო-საბიუჯეტო კომიტეტის თავჯდომარე, თსუს პროფესორი, გქბ-ს გენერალური დირექტორი, ,,ევრობანკის” ბანკირი – 2 მილიონი.
4. ლერი ხაბელოვი – პარლამენტარი, საქართველოს ეროვნული ოლიმპიური კომიტეტის პრეზიდენტი – 2 მილიონი
5. კობა ნარჩემაშვილი – პარლამენტარი, საქართველოს შინაგან საქმეთა ყოფილი მინისტრი – 7 მილიონი
6. ბექა ოდიშარია – პარლამენტარი, შპს „ჯინდალ პეტროლეუმ ოპერეიტინგ კომპანის“ გენერალური დირექტორი – 12 მილიონი
7. ქეთევან ციხელაშვილი – საქართველოს სახელმწიფო მინისტრი შერიგებისა და სამოქალაქო თანასწორობის საკითხებში, ლიბერალური აკადემია თბილისის (LAთ) დირექტორი – 9 მილიონი
8. ნინო წილოსანი – პარლამენტარი, სს ელექტროვაგონშემკეთებელი ქარხნის სამეთვალყურეო საბჭოს წევრი
9. აკაკი ბობოხიძე – პარლამენტარი, სახელმწიფო რწმუნებული-გუბერნატორი იმერეთში, საქართველოს რესპუბლიკის უზენაესი საბჭოს წევრი – 1 მილიონი
10. აკაკი ზოიძე – პარლამენტარი, საკონსულტაციო ჯგუფ „კურაციო“-ს დირექტორი, ჯანდაცვის მინისტრის მოადგილე – 1 მილიონი