საზოგადოება

ბარათაშვილის აღმართიდან ავტომობილი რიყის პარკში გადავარდა

თბილისში, ბარათაშვილის აღმართზე ავტოსაგზაო შემთხვევა მოხდა.

როგორც თვითმხილველები ყვებიან, „ჰონდას“ მარკის მსუბუქი ავტომობილი გზის სავალი ნაწილიდან გადავიდა, ჯებირი გაარღვია და რიყის პარკში გადავარდა.

მომხდარის შედეგად, ავტომობილში მჯდომი პირი არ დაშავებულა.

როგორც მსუბუქი ავტომობილის მძღოლი ,,პირველ არხთან“ საუბარში აცხადებს, მას უკნიდან ცემენტმზიდი შეეჯახა, რის გამოც საჭე ვერ დაიმორჩილა და ინერციით გზიდან გადავარდა.

შინაგან საქმეთა სამინისტროს ინფორმაციით, მძღოლი ადმინისტრაციული წესით დაჯარიმდება.