კომენტარი

ბატონი ლავროვი და კარასინი იმ ქუჩებში სეირნობდნენ საიდანაც ასობით ათასი ჩვენი მოქალაქეა გამოყრილი - დავით რაქვიაშვილი

უშიშროების საბჭოს მდივანი დავით რაქვიაშვილი ოკუპირებულ აფხაზეთში რუსეთის საგარეო მინისტრის ვიზიტს რუსეთის ცინიკური პოლიტიკის გაგრძელებად აფასებს.

დავით რაქვიაშვილის თქმით, საქართველოს ხელისუფლებამ და საერთაშორისო თანამეგობრობამ რუსეთს მსგავსი ნაბიჯების გამო რა შეიძლება მაღალი ფასი უნდა გადაახდევინოს.

„რუსული ცინიკური პოლიტიკა კავკასიაში ისტორიულად ასეთია, ხან ჩერქეზებს გამოყრიან და მერე იქ ოლიმპიადას ჩაატარებენ, ახლაც ბატონი ლავროვი და კარასინი, იმ ქუჩებში სეირნობდნენ საიდანაც ასობით ათასი ჩვენი მოქალაქეა გამოყრილი. ასე რომ ამ ცინიზმის შეგუება და საერთაშორისო თანამეგობრობის მხრიდან ამის უგულვებელყოფა, დანამდვილებით იქნება ყველას მარცხი. რა თქმა უნდა, ძალიან მაღალი ფასი უნდა გადაიხადოს რუსულმა პოლიტიკურმა ისტებლიშმენტმა და სახელმწიფომ იმ ნაბიჯებისთვის, რომელსაც ის ამ მიმართულებით ახორციელებს ჩვენს საწინააღმდეგოდ,“- განაცხადა რაქვიაშვილმა.

ნინო ექვთიმიშვილი