უახლესი ამბები
- 26.04.2024 12:22საქართველოს ევროინტეგრაცია ვერც მიხეილ სააკაშვილის თავისუფლებაზე და ვერც ივანიშვილის დასანქცირებაზე ან ვიღაცების დასანქცირებაზე ვერ გაივლის -გიორგი გახარია
- 26.04.2024 11:41საქართველოს ბანკის მხარდაჭერით G&A ჯგუფი საწარმოო ხაზსა და სიმძლავრეებს აფართოებს
- 26.04.2024 08:54ვეღარ ვივლით ევროპაში უვიზოდ, როდესაც ქვეყანას, რუსული წესებით მართავს რუსული ხელისუფლება - ნიკა მელია
არქივი
საზოგადოება
ბესლან წუწაშვილის ადგილსამყოფელის დადგენის პროცესში საქართველოს „წითელი ჯვრის“ საერთაშორისო კომიტეტი ჩაერთო
პანკისის ხეობის სოფელ ომალოს მკვიდრის, ბესლან წუწაშვილის ადგილსამყოფელის დადგენის პროცესში საქართველოს „წითელი ჯვრის“ საერთაშორისო კომიტეტი ჩაერთო.
დაკარგულის დედის ინფორმაციით, წუწაშვილი ლარსის გამშვები პუნქტის გადაკვეთის შემდეგ გაუჩინარდა.
როგორც ლეილა უმაროვა ამბობს, ორგანიზაციის საქართველოს წარმომადგენლობას მან განცხადებით უკვე მიმართა.
„წითელი ჯვრის“ საერთაშორისო კომიტეტის საქართველოს წარმომადგენლობის კომუნიკაციების სამსახურის უფროსის, მაია ქარდავას განმარტებით, ოჯახის წევრის დაკარგვის შესახებ განცხადების საფუძველზე, მოძიების სამსახურის მიერ, მყისიერად გაეგზავნა ინფორმაცია „წითელი ჯვრის“ საერთაშორისო დელეგაციებს.
„ჩვენი წარმომადგენლები არიან მსოფლიოს 90 ქვეყანაში და მათი საშუალებით, დელეგაციებს შორის კავშირით ხდება დაკარგული პიროვნების ძებნა“, – აცხადებს მაია ქარდავა.
პანკისის ხეობის სოფელ ომალოს მკვიდრმა, 28 წლის ბესლან წუწაშვილმა, რომელიც ჩეჩნეთში მიეგზავრებოდა, 6 ივნისს ლარსის გამშვები პუნქტი გადაკვეთა და მას შემდეგ ოჯახს არ დაკავშირებია.
ახლობლებმა ბესლანის თანმხლები პირებისგან შეიტყვეს, რომ იგი გამოძიების ფედერალურმა ბიურომ ტერორიზმის ბრალდებით დააკავა.