უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
არქივი
პოლიტიკა
ბიძინა ივანიშვილისთვის ბრძოლის ველზე არც ერთი გოჯის დათმობას არ ვაპირებთ - ზურაბ ჭიაბერაშვილი
ნაციონალური მოძროაბის წევრი ზურაბ ჭიაბერაშვილი მიხეილ სააკაშვილის განცხადებას ეხმაურება პარლამენტში შესვლასა და მეორე ტურებში მონაწილეობასთან დაკავშირებით.
როგორც ჭიაბერაშვილმა ჟურნალისტებს განუცხადა, სააკაშვილის განცხადებაში საუბარი არ ყოფილა პარტიის ერთიანობაზე და გამიჯვნაზე, ხოლო აზრთა სხვადასხვაობა ბუნებრივია.
ჭიაბერაშვილის თქმით, პარლამენტში შესვლასთან დაკავშირებით პოლიტსაბჭომ გადაწყვეტილება უკვე მიიღო და ნაციონალური მოძრაობა ივანიშვილის წინააღმდეგ ყველა ბერკეტს გამოიყენებს.
,,პოლიტსაბჭომ უკვე მიიღო ამასთან დაკავშირებით გადაწყვეტილება, რომ ჩვენ ივანიშვილის წინააღმდეგ გამოვიყენებთ ყველა ბერკეტს. ბუნებრივია, არსებობს მხარდამჭერთა ნაწილი, რომელიც თვლის, რომ ეს მცდარი გადაწყვეტილებაა, მაგრამ პოლიტსაბჭოს გადაწყვეტილება მიღებულია და ჩვენ გავაგრძელებთ პარლამენტში საქმიანობას. ამ საკითხს ემოციების გარეშე უნდა შევხედოთ, განსხვავებული აზრი ჩვენს პარტიაში ყოველთვის იყო და ჩვენ ამიტომ ვართ დასავლური ტიპის პარტია, მაგრამ აზრთა სხვადასხვაობის მიუხედავად, გადაწყვეტილება მიიღება. ამ შემთხვევაშიც აბსოლუტური უმრავლესობით იქნა მიღებული გადაწყვეტილება პოლიტსაბჭოზე, როგორც მეორე ტურებზე, ისე პარლამენტში შესვლასთან დაკავშირებით. ჩვენი მიდგომაა, რომ ბიძინა ივანიშვილისთვის ბრძოლის ველზე არც ერთი გოჯის დათმობას არ ვაპირებთ“, - განაცხადა ზურაბ ჭიაბერაშვილმა.