კომენტარი

„ბირჟა მაფიამ“ სამართალდამცველების მიმართ უპატივცემულობა გამოხატა - ალექსანდრე ჯეჯელავა

ვიცე-პრემიერი, განათლებისა და მეცნიერების მინისტრი, ალექსნადრე ჯეჯელავა, მიიჩნევს, რომ მუსიკალური ჯგუფის „ბირჟა მაფიას“ წევრებმა სამართალდამცველების მიმართ უპატივცემულობა გამოხატეს.

როგორც ჯეჯელავამ მედიას განუცხადა, აღნიშნული არის სახელმწიფოებრიობის წინააღმდეგ გადადგმული ნაბიჯი.

„ასეთი უპატივცემულობა სამართალდამცველების მიმართ არის სახელმწიფოებრიობის წინააღმდეგ გადადგმული ნაბიჯი, მე პირადად ასე ვფიქრობ, თუმცა ამისთვის მათ პასუხს ვერ აგებინებდნენ. საუბარი იმაზე, რომ კანონი დავარღვიე, მაგრამ რაღაც სხვა მიზეზით მაგებინეს პასუხი, არასერიოზულია“, - განაცხადა ვიცე-პრემიერმა.

„ბირჟა მაფიას“ წევრებს, გიორგი ქებურიასა და მიშა მგალობლიშვილის წინასწარი პატიმრობა შეუფარდათ. გამოძიება მათ ნარკოტიკული საშულების შეძენა/შენახვას ედავება.

თუმცა, დაკავებულების ადვოკატები მიიჩნევენ, რომ მგალობლიშვილის და ქებურიას დაკავება მათ მიერ გადაღებულ ვიდეო კლიპს უკავშირდება.

მონიკა დავლიანიძე