უახლესი ამბები
- 08.05.2024 18:16არ შეიძლება `ქართული ოცნება` იდგეს ამ ზარების უკან, გამორიცხულია, შეურაცხყოფაა - გია ვოლსკი
- 08.05.2024 16:44ხელისუფლებას ისეთი ტემპი აქვს აკრეფილი საკუთარი თავის დასრულების ამ შემოდგომაზე, ერთადერთი იმაზე ვნერვიულობ, შემოდგომამდე მშვიდად მივიდეთ - იაგო ხვიჩია
- 08.05.2024 16:34ასე გამოიყურება ავტორიტარიზმი, სირცხვილი „ქართულ ოცნებას“ - მირიამ ლექსმანი
- 08.05.2024 14:59არა რუსულ კანონს! - 11 მაისს, 16:00 საათზე, თბილისში მშობლების მარში გაიმართება
- 08.05.2024 14:53საზოგადოებამ მორალურად უნდა შეაფასოს ადამიანები, რომლებიც ჩართული არიან, მათ შორის ფაშისტური ხასიათის კამპანიებში, როცა ადამიანებზე მიმდინარეობს მორალური ტერორი, ბულინგი - შალვა პაპუაშვილი
არქივი
საზოგადოება
ბოლო სამი წლის განმავლობაში ავტოსაგზაო შემთხვევის შედეგად 61 ბავშვი დაიღუპა- დავით მესხიშვილი
ტრანსპორტისა და გზების ასოციაციის თავმჯდომარის, დავით მესხიშვილის განცხადებით, ბოლო სამი წლის განმავლობაში ავტოსაგზაო შემთხვევის შედეგად 61 ბავშვი დაიღუპა, ხოლო 3 ათასზე მეტი მცირეწლოვანი დაშავდა.
როგორც მესხიშვილმა პრესკონფერენციაზე განმარტა, აღნიშნული მონაცემი, ევროპის საშუალო მონაცემს 4-ჯერ აღემატება.
მესხიშვილის თქმით, ბოლო წლების განმავლობაში ავტოსაგზაო შემთხვევების რაოდენობა საქართველოში კატასტროფულად გაიზარდა და ევროპულ მაჩვენებელს 5-6-ჯერაც კი აღემატება.
„საქართველოში ავტოსაგზაო შემთხვევებში გარდაცვლილთა რაოდენობა ყოველწლიურად 600 ადამიანს შეადგენს, რაც ყველა სტიქიის დროს მომხდარი გარდაცვალებების რაოდენობაზე გაცილებით მეტია. ის რაც ჩვენს გზებზე ხდება არის ჩვეულებრივი ომი, 10 ათასამდე ტრამვირებული ადამიანი. რაც ყველაზე უფრო საგანგაშოა, ასეთ საგზაო შემთხვევებში ხვდებიან სრულიად დაუცველები, ეს გახლავთ ბავშვები და განსაკუთრებით გაიზარდა ჩვილ ბავშვთა გარდაცვალებისა და ტრავმატიზმის მონაცემები. ბოლო სამი წლის განმავლობაში დაშავდა 3 ათასზე მეტი და გარდაიცვალა 61 ბავშვი. ეს საშუალო ევროპულ მაჩვენებელს ოთხჯერ აღემატება, რაც ნიშნავს იმას, რომ ბავშვთა საგზაო უსაფრთხოების მიმართულება საქართველოში პრაქტიკულად არ არსებობს. საქართველოში ერთი დღეღამის განმავლობაში 2 ბავშვზე მეტი იღებს სხეულის სხვადასხვა დაზიანებას“, – განაცხადა დავით მესხიშვილმა.
მისივე თქმით, ტრანსპორტისა და გზების ასოციაცია თბილისის მერიის დაკვეთით იწყებს პროექტს „ბავშვთა საგზაო უსაფრთხოება“ რომლის ფარგლებში შეისწავლიან ამ შემთხვევბის რეალური მიზეზები, და შემდგომ ხლეისუფლებას რეკომენდაციებუი წარედგინებება.
მონიკა დავლიანიძე