უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
არქივი
პოლიტიკა
ბუნებრივია, როცა ჩიხში ხარ, ასეთ დროს არაადეკვატურ განცხადებებს აკეთებ - ირაკლი კობახიძე პრეზიდენტზე
„როცა ჩიხში ხარ, ასეთ დროს არაადეკვატურ განცხადებებს აკეთებ“, - ასე გამოეხმაურა პარლამენტის თავმჯდომარე ირაკლი კობახიძე პრეზიდენტ გიორგი მარგველაშვილის კრიტიკას. ქვეყნის პირველმა პირმა მმართველი გუნდი თვითმმართველობის არჩევნებში ადმინისტრაციული რესურსის გამოყენებაში დაადანაშაულა.
კობახიძის თქმით, ეს ბრალდება უსამართლოა.
„ეს არის ჩიხიდან გაკეთებული განცხადება. სამწუხაროდ, პრეზიდენტი არის ჩიხში. ჩვენ ამას დიდი ხანია, ვამბობდით. პრეზიდენტმა საკუთარი თავი თვითონ შეიყვანა ჩიხში. ბუნებრივია, როცა ჩიხში ხარ, ასეთ დროს არაადეკვატურ განცხადებებს აკეთებ. ყველა ვხედავთ, რომ ასეთი განცხადებები არ არის სამართლიანი“, - თქვა კობახიძემ.
პარლამენტის თავმჯდომარემ უარყო ადმინისტრაციული რესურსის გამოყენების შესაძლებლობა.
„ქვეყნდებოდა სოციოლოგიური კვლევები, მათ შორის ოპოზიციასთან დაკავშირებული ტელევიზიებიც აქვეყნებდნენ სოციოლოგიურ კვლევებს. სოციოლოგიური კვლევის შედეგები დაემთხვა არჩევნების შედეგებს. ეს ყველაფერი იმაზე მეტყველებს, რომ არავითარ შემთხვევაში არ ჰქონია ადგილი ადმინისტრაციული რესურსის გამოყენებას, თუ იყო ერთეული შემთხვევები, ამასთან დაკავშირებით ჩვენ შეიძლება გვქონდეს რეაგირება. რაც შეეხება ადმინისტრაციული რესურსების სისტემურ გამოყენებას, არის ის პრაქტიკა, რომელიც ჩვენ 2012 წელს წარსულს ჩავაბარეთ“, - აღნიშნა კობახიძემ.
ანა მებურიშვილი