საზოგადოება
ჩაქვის სასულიერო გიმნაზიაში დეკანოზ გიორგის ხელნაწერის ასლს ეძებდნენ
ჩაქვის სასულიერო გიმნაზიის დირექტორის მოადგილის, მარიამ ტარიელაძის განცხადებით, პიროვნება, რომელიც აჭარის პროკურატურის წარმომადგენლად გაეცნო, დეკანოზ გიორგის მამალაძის ხელნაწერის ასლს ეძებდა.
ტარიელაძეს ფაქტი საეჭვოდ მიაჩნია. მისი თქმით, ხელნაწერს სხვა დაწესებულებაშიც ეძებდნენ, თუმცა გიმნაზიაში ხელნაწერი არ აღმოჩნდა.
,,მოვიდა ახალგაზრდა, რომელმაც წარმომიდგინა დოკუმენტი, რომელიც იყო აჭარის პროკურატურის. არ ვიცი, რამდენად სანდო იყო ეს დოკუმენტი. ის ითხოვდა მამაოს ხელნაწერს, ნებისმიერი სახის, თუნდაც პატარა ფურცლის ნაგლეჯს და თვითონ ეს მოთხოვნის პროცესი იყო ისეთი, რომ უნდობლობას იწვევდა. მე ჩავთვალე, რომ ეს ადამიანი იყო სხვისი გამოგზავნილი, იმიტომ, რომ დროდადრო ეკონტაქტებოდა ტელეფონზე სხვას’’, - განუცხადა ჟურნალისტებს ტარიელაძემ.
დეკანოზი გიორგი გიმნაზიას 2013 წლიდან ხელმძღვანელობს.
ნინო ექვთიმიშვილი