კომენტარი

ჩოხელი-ნაზღაიძის საქმეში თბილისის მერიის მხრიდან მიღებული ყველა გადაწყვეტილება არის სამართლებრივ ჩარჩოში მოქცეული - ირაკლი ლექვინაძე

ჩოხელი-ნაზღაიძის საქმეში ყველა გადაწყვეტილება, რომელიც თბილისის მერიის მხრიდან არის მიღებული, არის არგუმენტირებული და სამართლებრივ ჩარჩოში მოქცეული, - განაცხადა თბილისის მერის მოადგილემ ირაკლი ლექვინაძემ.

მისი თქმით, ამ საკითხზე არანაირ კანონდარღვევაზე არ შეიძლება იყოს საუბარი.

”ყველა სხვა დანარჩენი საკითხი ჩოხელი-ნაზღაიძის თემაზე არის აბსოლუტური სპეკულაცია. ამ საქმეში რეალური დაზარალებული არის ჩოხელი, საქმის სამართლებრივი და ფორმალური მხარე არის ზვიად ნაზღაიძე. ყველა გადაწყვეტილება, რომელიც თბილისის მერიის მხრიდან არის მიღებული, არის არგუმენტირებული და სამართლებრივ ჩარჩოში მოქცეული. თუ ვინმეს კიდევ რაიმე აინტერესებს, არსებობს შესაბამისი ორგანოები და ჩვენ მზად ვართ დაინტერესების და შესაბამისი კითხვების შემთხვევაში, მათ გავცეთ პასუხი. ყველა დანარჩენი საკითხი ამასთან დაკავშირებით არის პოლიტიკური სპეკულაცია”, - განაცხადა ლექვინაძემ.

ცნობისათვის: თბილისის საკრებულოს ოპოზიციური პარტიების წარმომადგენლები დედაქალაქის მერ დავით ნარმანიას საკრებულოში მოსამართლე ნატა ნაზღაიძის ძმისთვის ქონების გადაცემის საკითხზე იბარებენ.

ნინო ექვთიმიშვილი