უკან

უახლესი ამბები

დღის კალენდარი

ანონსები

არქივი

პოლიტიკა

18 ოქტომბერი, 2017 14:20
font-size

ჩვენ მოვითხოვთ კვირიკაშვილის გადადგომას! - ირმა ინაშვილის მიმართვა ბიძინა ივანიშვილს

„პატრიოტთა ალიანსის“ თბილისის მერობის კანდიდატმა ირმა ინაშვილმა საქართველოს ყოფილ პრემიერ-მინისტრ ბიძინა ივანიშვილს მიმართა. „პატრიოტების“ ლიდერმა მოითხოვა პრემიერ გიორგი კვირიკაშვილის გადადგომა და დაადანაშაულა „ქართული ოცნება“ „ევროპულ საქართველოსთან“, „ნაციონალურ მოძრაობასთან“ და გიორგი ვაშაძესთან გარიგებაში.

ინაშვილის თქმით, სახელისუფლებო გუნდი არჩევნების ტოტალური გაყალბებისთვის ემზადება.

ინაშვილმა აღნიშნა, რომ „პატრიოტთა ალიანსი“ აქციებს არ შეწყვეტს და იბრძოლებს დემოკრატიული პრინციპების დასაცავად.

„საზოგადოებას ახსოვს, მე ოთხჯერ მოვუწოდე ბიძინა ივანიშვილს,- განემუხტა საკონსტიტუციო კრიზისი და შეეჩერებინა საარჩევნო სისტემის უზურპაცია, რომელიც ხელისუფლებაში მის მიერ მოყვანილმა კვირიკაშვილის გუნდმა განახორციელა.

ჩვენ გვახსოვს, ივანიშვილი გვპირდებოდა, რომ იქნებოდა პირველი ოპოზიციონერი, თუკი დემოკრატიას რაიმე დაემუქრებოდა. მაგრამ ივანიშვილი დუმს და ყველაფერი ცუდი უკვე მოხდა.

სახეზე გვაქვს: უპასუხისმგებლო დამოკიდებლება ქვეყნის გამთლიანებისადმი, სახეზე გვაქვს საარჩევნო სისტემის უზურპაცია, შიდა გადატრიალება „ქართულ ოცნებაში“ , სახეზე გვაქვს საბანკო ტერორი, სიღატაკე და უსახლკარობა.

ამ უმძიმეს ვითარებაში კვირიკაშვილი ურიგდება ბოკერიას, გულმოდგინედ ცდილობს მთავარ ოპოზიციურ პარტიებად კვლავ ნაცმოძრაობისა და ბოკერიების და ახლა უკვე ვაშაძის წარმოჩენასაც კი. კერძოდ, 15 ოქტომბერს ნაცმოძრაობამ მთელ საქართველოს მოუხმო, მაგრამ თბილისში 4000 კაციც ვერ შეკრიბა. ხელისუფლება კი, გვარწმუნებს, რომ მათ 5000 კაცი შეკრიბეს. ამავე დღეს ბოკერიამ 1000 კაციც კი ვერ შეკრიბა უნივერსიტეტის ქუჩაზე მდებარე სპორტულ დარბაზში. ჩვენ კი, გამოგვიცხადეს, რომ სპორტის სასახლე გაავსეს. ამავე დღეს ჩვენ ბათუმში, თავსხმა წვიმაში უფრო მეტნი ვიყავით, ვიდრე ნაცმოძრაობის მომხრეები- თბილისში! ხოლო 1 ოქტომბრის აქციაზე, თბილისში, ჩვენ სამჯერ და ოთხჯერ მეტნი ვიყავით, ვიდრე ნაცმოძრაობა და ბოკერია ერთად აღებული.

ამის მიუხედავად, ხელისუფლება კვლავ ამკვიდრებს აზრს, რომ მისი მთავარი ოპონენტები არიან: ნაცმოძრაობა, ბოკერია და ახლა უკვე ვაშაძეც კი. ამასთან, თუ ნაცმოძრაობას ცოტაოდენი მხარდამჭერი მაინც ჰყავს, ბოკერიას და ვაშაძეს საკუთარი ოჯახის წევრების გარდა, ხმას არავინ აძლევს.

ბატონო ბიძინა, თქვენ გვპირდებოდით, რომ დასრულდება სიყალბე, აღარ იქნება უზურპაცია, რომ ვიცხოვრებთ სამართლიან სახელმწიფოში. სადაა დღეს ეს სამართლიანობა? და რაშია სამართლიანობა? სად გაქრა ყველა ის სიკეთე, რასაც თქვენ და თქვენი გუნდი გვპირდებოდით 2012 წლის შემოდგომაზე?

ფაქტია, რომ თქვენ დღესაც ბრძანდებით ქვეყნის ყველაზე გავლენიანი მოქალაქე. ფაქტია, რომ კვირიკაშვილის მთავრობა თქვენი მოყვანილია. ფაქტია, რომ ამ მთავრობამ უკვე განახორციელა საარჩევნო სიტემისა და შესაბამისად, ძალაუფლების უზურპაცია და ნათელია, რომ ამ ხელისუფლებამ ფაქტობრივად უკვე დაამყარა რბილი დიქტატურა. ნათელია ისიც, რომ ეს ხელისუფლება ემზადება არჩევნების ტოტალური გაყალბებისთვის. სახეზეა ისიც, რომ საზოგადოება პირადად თქვენ გაკავშირებთ ყველა ამ ნეგატიურ მოვლენასთან. თქვენ კი, დუმხართ და გვაინტერესებს, ხართ თუ არა ამ პროცესების თანამონაწილე?

ჩვენ მოვითხოვთ კვირიკაშვილის გადადგომას! ჩვენ მოვითხოვთ სამართლიან არჩევნებს! ჩვენ არ შევწყვეტთ საპროტესტო აქციებს! ჩვენ დავცავთ იმ დემოკრატიულ ღირებულებებს, რომელიც ქართველმა ხალხმა დიდი ბრძოლით მოიპოვა. ჩვენ არ დავუთმობთ ჩვენს ქვეყანას ბოკერიებს“, - წერია ინაშვილის მიმართვაში.

ანა მებურიშვილი

„ქართული ოცნების” საარჩევნო სიისა და მაჟორიტარობის კანდიდატების შესახებ უახლოეს მომავალში გახდება ცნობილი - კახა კალაძე

23 მაისი, 2020 , 16:32

რაც შეეხება საარჩევნო სიას, თუ ვინ იქნება წარმოდგენილი საარჩევნო სიაში, ვინ იქნება მაჟორიტარი დეპუტატობის კანდიდატები, ეს უახლოეს მომავალში იქნება ცნობილი, – ამის შესახებ დედაქალაქის მერმა, „ქართული ოცნების&r

საქართველოს პრეზიდენტმა „საზოგადოებრივი ჯანმრთელობის შესახებ` კანონში და ,,სისხლის სამართლის საპროცესო კოდექსში“ ცვლილებებს ხელი მოაწერა

22 მაისი, 2020 , 22:12

საქართველოს პრეზიდენტმა „საზოგადოებრივი ჯანმრთელობის შესახებ" კანონში ცვლილებებსა და ,,სისხლის სამართლის საპროცესო კოდექსში“ ცვლილებებს ხელი მოაწერა. პრეზიდენტის განმარტებით, აუცილებელია საგანგებო მდგომარეობი

მთავრობას 15 ივლისამდე შემზღუდავი ღონისძიებების გატარება საგანგებო მდგომარეობის გარეშეც შეეძლება

22 მაისი, 2020 , 19:46

საქართველოს პარლამენტმა „საზოგადოებრივი ჯანმრთელობის შესახებ“ კანონპროექტი მესამე მოსმენით დაამტკიცა. კერძოდ, რეგისტრაცია გაიარა 94-მა დეპუტატმა, ცვლილებებს მხარი დაუჭირა 81-მა დეპუტატმა, წინააღმდეგი არც ერთი

დავით ჭიჭინაძე გახარიას -“ რა დაგიშავა ამ ქვეყანამ?!”

22 მაისი, 2020 , 17:53

„რა დაგიშავა ამ ქვეყანამ?!” - ამ კითხვით მიმართავს პოლიტიკური მოძრაობა, „ტრიბუნას“ ლიდერი, დავით ჭიჭინაძე პრემიერ გიორგი გახარიას. ჭიჭინაძის თქმით, როდესაც გიორგი გახარია ბიზნესომბუდსმენი იყო, ბიზ

ნატოში ელჩი ვიქტორ დოლიძე გახდება, ჟენევაში – ალექსანდრე მაისურაძე

22 მაისი, 2020 , 17:49

საგარეო საქმეთა მინისტრის დავით ზალკალიანის განცხადებით, ნატო-სა და ჟენევაში ელჩები იცვლება. ამის შესახებ ზალკალიანმა მთავრობის კანცელარიაში გამართულ ბრიფინგზე განაცხადა. როგორც მინისტრმა აღნიშნა, ჟენევაში საქართველოს ელ

ვიმედოვნებ, რვა მარტის შეთანხმება სრულად შესრულდება - გერმანიის ელჩი

22 მაისი, 2020 , 17:06

გერმანიის ელჩი საქართველოში, რვა მარტის შეთანხმების შესრულების აუცილებლობაზე საუბრობს. ამბობს, რომ დოკუმენტში ყველაფერი გასაგებად წერია და დიპლომატების ვალდებულება არ არის საჯაროდ განიხილონ დეტალები. „მინდა გითხრათ