საზოგადოება

ჩვენთვის არის ეკლესიის ერთიანობა უმნიშვნელოვანესი - გიორგი კვირიკაშვილი

პრემიერ-მინისტრ გიორგი კვირიკაშვილის შეხვედრა პატრიარქთან დასრულდა.

ბერლინის კლინიკის დატოვებამდე გიორგი კვირიკაშვილმა ჟურნალისტებთან კომენტარი გააკეთა და განმარტა, რომ ე.წ. ციანიდის საქმეს "უზარმაზარი სპეკულაციათა ნაკადი მოჰყვა."

"მინდა პატრიარქს ვუსურვო ჯანმრთელობა და დიდხანს სიცოცხლე, ასევე ძალიან მნიშვნელოვანია, რომ ჩვენთვის არის ეკლესიის ერთიანობა უმნიშვნელოვანესი, ეკლესიის როგორც სახელმწიფოს ძლიერებისთვის მნიშვნელოვანი ინსტიტუციის ერთიანობა. ამიტომ ჩვენ, რაც მოხდა, იმაზე დეტალურ კომენტარს არ გავაკეთებთ, ვფიქრობთ რომ უზარმაზარი სპეკულაციათა ნაკადი მოჰყვა, ვფიქრობ, რომ ეს არის უადგილო, ჩვენ გვინდა ყველამ გავაკეთოთ ყველაფერი, რომ მუხტი ჩავაცხროთ, გამოძიებას მივცეთ საშუალება, რომ დაადგინოს ყველა დეტალი და მხოლოდ ამის შემდეგ ვისაუბროთ საჯაროდ.

მე ყველა დეტალს ვფლობ, როდესაც სასულიერო პირი მომწამლავი ნივთიერებით კვეთს საზღვარს და მოდის იქ, სადაც პატრიარქი იმყოფება და ჩვენ მას ვაკავებთ, რა თქმა უნდა, დიდი უბედურების თავიდან აცილებაზეა საუბარი. სავარაუდო მსხვერპლთა რაოდენობას და ვინაობას გამოძიება დაადგენს,"-განაცხადა გიორგი კვირიკაშვილმა.

ნინო ექვთიმიშვილი