უკან

სამართალი

15 ნოემბერი, 2018 13:20
font-size

დამამძიმებელ გარემოებებში განზრახ მკვლელობის, გამოძალვისა და სხვისი პირადი ცხოვრების ამსახველი ინფორმაციის უკანონო შენახვასა და გავრცელებაში ბრალდებულს უვადო თავისუფლების აღკვეთა მიესაჯა

თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და დამამძიმებელ გარემოებებში განზრახ მკვლელობის, გამოძალვისა და სხვისი პირადი ცხოვრების ამსახველი ინფორმაციის უკანონო შენახვასა და გავრცელებაში ბრალდებული ლ.გ. დამნაშავედ ცნო.

საქართველოს მთავარი პროკურატურის ინფორმაციით, სასამართლო პროცესზე გამოკვლეული მტკიცებულებებით დადასტურდა, რომ 2018 წლის 22 თებერვალს, ქ.თბილისში, დაახლოებით 05:30 საათზე, პირადი მოტივით განაწყენებულმა ლ.გ.-მ სახლიდან გამოიხმო ა.ნ. და შატილის ქუჩა N11-ის მიმდებარედ არსებულ ავტოფარეხებთან მიიყვანა, სადაც შურისძიების მოტივით, განსაკუთრებული სისასტიკით, ძლიერი ტკივილისა და ტანჯვის მიყენების განზრახვით, თავისა და კისრის არეში, დანით და სხვა საგნით 33 ჭრილობა მიაყენა და შემთხვევის ადგილიდან მიიმალა. მიღებული მრავლობითი დაზიანებების შედეგად ა.ნ. ადგილზე გარდაიცვალა.

სასამართლოში გამოკვლეული მტკიცებულებების შედეგად ასევე დადასტურდა, რომ 2018 წლის 8-9 თებერვალს, ლ.გ.-მ შემდგომში ფულადი თანხის გამოძალვის მიზნით, მეგობარს ა.ც.-ს, სასურველ პოზაში შიშველი სურათებისა და ვიდეოჩანაწერის გადაღება და მისთვის სოციალური ქსელის „ფეისბუქის“ საშუალებით გადაგზავნა მოსთხოვა. შემდეგ კი ა.ც.-ს ნების საწინააღმდეგოდ, დაზარალებულის პირადი ცხოვრების ამსახველი სურათები და ვიდეომასალა, სახელის გატეხვის მიზნით, სოციალური ქსელის „ფეისბუქის“ მეშვეობით თავის მეგობრებს - დ.ა.-ს და გ.მ.-ს გადაუგზავნა, რითაც ა.ც.-ს რეპუტაცია მნიშვნელოვნად შელახა და მის კანონიერ ინტერესებს მნიშვნელოვანი მორალური ზიანი მიაყენა. ასევე, ლ.გ.-მ 2018 წლის 10 თებერვალს ა.ც.-ს შანტაჟის გზით შეზღუდულ ვადებში მნიშვნელოვანი ოდენობის თანხის გადახდა მოსთხოვა, წინააღმდეგ შემთხვევაში კი მისი ფოტოსურათებისა და ვიდეოჩანაწერების საჯაროდ გავრცელებით დაემუქრა.

სამართალდამცველებმა ლ.გ. 2018 წლის 22 თებერვალს დააკავეს. მას საბოლოო ბრალდება საქართველოს სისხლის სამართლის კოდექსის 109-ე მუხლის მესამე ნაწილის „ბ“ ქვეპუნქტით (დამამძიმებელ გარემოებებში განზრახ მკვლელობა), 157-ე მუხლის პირველი ნაწილით (სხვისი პირადი ცხოვრების ამსახველი ინფორმაციის უკანონო შენახვა, გავრცელება) და 181-ე მუხლის პირველი ნაწილით (გამოძალვა) წარედგინა. 2018 წლის 23 თებერვალს ლ.გ.-ს აღკვეთის ღონისძიების სახით პატიმრობა შეეფარდა.

თბილისის საქალაქო სასამართლომ ლ.გ. სრულად ცნო დამნაშავედ წარდგენილ ბრალდებებში და სასჯელის სახედ და ზომად, დანაშაულთა ერთობლიობით, სასჯელის მაქსიმალური ზომა - უვადო თავისუფლების აღკვეთა განუსაზღვრა.

საკვანძო სიტყვები:

მცდარია განცხადება, რომ მეუფე იაკობს ადვოკატ მიხეილ რამიშვილისთვის ბოდიშის მოხდა დაევალა - თბილისის საქალაქო სასამართლო

11 დეკემბერი, 2018 , 17:50

თბილისის საქალაქო სასამართლოში განმარტავენ, რომ ქორეპისკოპოს იაკობს ადვოკატ მიხეილ რამიშვილისთვის არა ბოდიშის მოხდა, არამედ მის მიერ გავრცელებული ინფორმაციის უარყოფა დაევალა. როგორც განცხადებაშია აღნიშნული, ქორეპისკოპოს

შინაგან საქმეთა სამინისტრომ წყნეთში მომხდარ ინციდენტში მონაწილე პირი დააკავა

11 დეკემბერი, 2018 , 16:50

შინაგან საქმეთა სამინისტროს თბილისის პოლიციის დეპარტამენტის ძველი თბილისის სამმართველოს თანამშრომლებმა, ჩატარებული ოპერატიულ-საგამოძიებო და სამძებრო ღონისძიებების შედეგად, საგნის იარაღად გამოყენებით ჩადენილი ხულიგნობის ბ

პაატა ბურჭულაძის სარჩელი, რომლითაც ის კობა დავითაშვილს უჩივის, თბილისის საქალაქო სასამართლოს არსებით განხილვაში გადაეცა

11 დეკემბერი, 2018 , 16:15

პაატა ბურჭულაძის სარჩელზე დღეს თბილისის საქალაქო სასამართლოში სხდომა გაიმართა. სარჩელი, რომლითაც ის კობა დავითაშვილს უჩივის, თბილისის საქალაქო სასამართლოს არსებით განხილვაში გადაეცა. პაატა ბურჭულაძე კობა დავითაშვილს ცილი

დიდუბის მეტროსთან მომხდარ ავტოსაგზაო შემთხვევის დროს დაკავებულ პირი გატაცებული მანქანით მოძრაობდა

11 დეკემბერი, 2018 , 15:10

თბილისში, დიდუბის მეტროსთან ახალგაზრდა მამაკაცმა გაჩერებული ავტომობილი იმ დროს გაიტაცა, როდესაც მფლობელი მანქანიდან გადმოვიდა და ჩასარიცხ აპარატთან შეჩერდა. შემთხვევა დღის 12:00 საათისთვის მოხდა.  გამტაცებელმა

ქორეპისკოპოს იაკობს მიხეილ რამიშვილისთვის საჯაროდ ბოდიშის მოხდა და 1 ლარის გადახდა დაეკისრა

11 დეკემბერი, 2018 , 15:10

ადვოკატ მიხეილ რამიშვილის სარჩელი, რომლითაც ის ქორეპისკოპოს იაკობს პატივის, ღირსებისა და საქმიანი რეპუტაციის შელახვისთვის უჩიოდა, თბილისის საქალაქო სასამართლომ დააკმაყოფილა. რამიშვილის ინფორმაციით, მოსამართლე ირაკლი კოპა

შინაგან საქმეთა სამინისტრომ ნახევარ კილოზე მეტი ჰეროინი ამოიღო

11 დეკემბერი, 2018 , 13:40

შინაგან საქმეთა სამინისტროს ქვემო ქართლის პოლიციის დეპარტამენტის თანამშრომლებმა, ჩატარებული ოპერატიულ-საგამოძიებო მოქმედებების შედეგად, განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`