კომენტარი

დარწმუნებული ვარ, რომ რუსთავი 2 ფუნქციონირებას თავისუფალი მედიის პირობებში გააგრძელებს - ლევან იზორია

საქართველოს თავდაცვის მინისტრი ლევან იზორია დარწმუნებული, რომ ტელეკომპანია რუსთავი2, კანონიერი მფლობელის ხელში, ფუნქციონირებას გააგრძელებს.

ამასთან, როგორც იზორიამ თემის კომენტირებისას მედიას განუცხადა, ის იმაშიც არის დარწმუნებული, რომ რუსთავი2 საქმიანობას თავისუფალი მედიის პირობებში გაგრძელებს.

„მე დარწმუნებული ვარ ერთში, რომ რუსთავი2 ფუნქციონირებას გააგრძელებს კანონიერი მფლობელის ხელში. ჩვენ პატივი უნდა ვცეთ სასამართლოს გადაწყვეტილებას და დარწმუნებული ვარ მეორეში, რომ რუსთავი2, როგორც სხვა მაუწყებლობაც, გააგრძელებს თავისუფალი მედიის არსებობის პირობებში მოღვაწეობას კნაონიერი მფლობელის ხელში“,-აღნიშნა მინისტრმა.

მისი თქმით, მთავარი პრინციპი, რომელიც მედიის თავისუფლებას უაკვშირდება, იქნება უზრუნველყოფილი.

„მთავარი პრინციპი, რაც უკავშირდება თქვენს თავისუფლებას, რაც უკავშირდება ჩვენი მოქალაქეების თავისუფლებას და სიტყვის თავისუფლებას განსაკუთრებით, იქნება უზრუნველყოფილი“,-განაცხადა იზორიამ.

მონიკა დავლიანიძე