პოლიტიკა

დავით უსუფაშვილმა საკოსნტიტუციო კომისიის მუშაობაში მონაწილეობაზე უარი განაცხადა

პარლამენტისა და საკონსტიტუციო კომისიის თავმჯდომარის ირაკლი კობახიძის განცხადებით, მერვე მოწვევის პარლამენტის თავმჯდომარემ დავით უსუფაშვილმა საკონსტიტუციო კომისიაში მონაწილოობის მიღებაზე უარი განაცხადა.

ამის შესახებ კობახიძემ პრესკონფერენციაზე განაცხადა.

მისი თქმით, დავით უსუფაშვილის მონაწილეობა კომისიის მუშაობაში იქნებოდა ძალიან ღირებული.

„მე მქონდა პირადად კონსულტაცია ბატონ დავით უსუფაშვილთან. მისი ჩართულობა კომისიის მუშაობაში იქნებოდა ძალიან ღირებული, თუმცა მან განმარტა, რომ ის პოლიტიკური კვოტით ვერ მიიღებდა მონაწილეობას კომისიის მუშაობაში, გამომდინარე იქიდან, რომ იქ კრიტერიუმები იყო დაკონკრეტებული, და გამომდინარე იქიდან, რომ მას აქვს პოლიტიკური წარსული და პოლიტიკური აწმყო. ის ვერც ექსპერტის რანგში ვერ მიიღებდა კომისიაში მონაწილეობას. ეს გახდა მიზეზი იმ სამწუხარო გარემოებისა, თუ რატომ ვერ ჩაერთვება ბატონი დავით უსუფაშვილი კომისიის მუშაობაში. კიდევ ერთხელ გავიმეორებ, რომ ძალიან ღირებული იქნებოდა მისი მონაწილეობა კომისიის მუშაობაში“,-აღნიშნა პარლამენტის თავმჯდომარემ.

მონიკა დავლიანიძე