საზოგადოება
დაზიანებული ავტომობილი, გადახდილი სახურავები და ათეულობით გამოძახება - ძლიერმა ქარმა თბილისსა და რეგიონებში პრობლემები შექმნა
ძლიერმა ქარმა თბილისსა და რეგიონებში პრობლემები შექმნა.
როგორც მედიანიუსს საგანგებო სიტუაციების მართვის სამსახურში განუცხადეს, ამ დროისათვის ათეულობით გამოძახება დაფიქსირდა.
,,ძლიერი ქარის შედეგად შექმნილ პრობლემებთან დაკავშირებით როგორც თბილისიდან, ისე რეგიონებიდან არის უამრავი, ათეულობით გამოძახება დაფიქსირებული. თითოეულ მათგანზე ხდება დროული რეაგირება და ადეკვატურ დახმარებას ვუწევთ.
გამოძახებები არის სხვადასხვა ტიპის; ხეების ტოტების მოტეხვასთან დაკავშირებული, სახურავის გადახდასთან დაკავშირებითაც იყო გამოძახებები, მაგრამ სერიოზული შემთხვევები, მაგალითად ისე, რომ სახლი ან კორპუსი დარჩენილიყო უსახურავოდ, ასეთი არ ყოფილა. უმნიშვნელო შემთხვევებია. დაფიქსირდა ხის მანქანაზე დაცემის ერთი შემთხვევაც“, - განუცხადეს მედიანიუსს საგანგებო სიტუაციების მართვის სამსახურში.
პაატა შამუგიამ, რომელსაც ძლიერმა ქარმა ავტომანქანა დაუზიანა ფაქტის ამსხაველი ფოტოები სოციალურ ქსელში გამოაქვეყნა.
ქვეყნის მთელ ტერიტორიაზე დღეს ძლიერი ქარია. სინოპტიკოსები გამოდარებას ხვალისთვის ელიან.
ნინო ექვთიმიშვილი