პოლიტიკა

დღის წესრიგში დგება სრულიად ახალი ფორმატის ამოქმედების ინიციატივა - საქართველო- ნატო-რუსეთი - ირმა ინაშვილი

პარლამენტის ვიცე-სპიკერი, ,,პატრიოტთა ალიანსის’’ წევრი ირმა ინაშვილი თანაპარტიელების მოსკოვში ვიზიტის შედეგებთან დაკავშირებით სტატუსს აქვეყნებს.

,,ქართული დელეგაციის წევრებმა რუს დეპუტატებთან შეხვედრისას განცხადეს, რომ საქართველო თანამშრომლობს ნატოსთან, მაგრამ საქართველოს ტერიტორია არასდროს იქნება გამოყენებული ნატოს მხრიდან რუსეთზე და ნებისმიერ სხვა ქვეყანაზე თავდასხმისათვის. ამიტომ დღის წესრიგში დგება სრულიად ახალი ფორმატის ამოქმედების ინიციატივა- საქართველო- ნატო-რუსეთი, რომლის ფარგლებშიც უსაფრთხოების კონკრეტული მექანიზმები შემუშავდება. რუსული მხარე თანახმაა მონაწილეობა მიიღოს ამ ახალ ფორმატში.

შეიქმნება ქართველი და რუსი დეპუტატების დიალოგის არაფორმალური ჯგუფი, რომელიც მოსკოვსა და თბილისში თვეში ერთხელ გამართავს შეხვედრებს’’, - წერს ინაშვილი სოციალურ ქსელში.

ნინო ექვთიმიშვილი