საზოგადოება

თავი შევიკავოთ ღამის კლუბებისგან, მერე, როცა დამთავრდება ყველაფერი, მეც დამპატიჟეთ და წამოვალ თქვენთან ერთად – ამირან გამყრელიძე

თავი შევიკავოთ ღამის კლუბებისგან, მერე, როცა დამთავრდება ეს მეც დამპატიჟეთ და მეც წამოვალ, – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.

მისივე თქმით, ზომების გამკაცრების მიუხედავად, შეკრებების წესი მაინც ირღვევა და აღნიშნა, რომ ქვეყანაში დღეს ბევრი მაკონტროლებელია პოლიციის, შრომის ინსპექციისა და ზედამხედველობის სამსახურების სახით.

„ძალიან ბევრი მაკონტროლებელია დღეს. პოლიცია, შრომის ინსპექცია, ზედამხედველობის სამსახურები. ეს სერიოზულად გამკაცრდა, მაგრამ გეთანხმებით, რომ მაინც ირღვევა და ამიტომ, კიდევ ერთხელ, ერთმანეთს უნდა მოვუწოდოთ, მოდით, ცოტა ხანი, ახალგაზრდები ხართ, არა?! თავი შევიკავოთ ღამის კლუბებში სიარულისგან, ხომ შეიძლება?! როცა დამთავრდება ყველაფერი, მეც დამპატიჟეთ და წამოვალ თქვენთან ერთად“, – განაცხადა ამირან გამყრელიძემ.