საზოგადოება

ჯანდაცვის კომიტეტში ოკუპირებულ ტერიტორიებზე მცხოვრებთათვი სამედიცინო მომსახურების გაუმჯობესებაზე მსჯელობენ

პარლამენტის ჯანდაცვის კომიტეტის წვერებისა და აფხაზეთის მთავრობის წევრთა სამუშაო შეხვედრა მიმდინარეობს.

კომიტეტზე ოკუპირებულ აფხაზეთში მცხოვრებთა სამედიცინო მომსახურებიოს შესახებ მსჯელობენ.

შეხვედრას „ევროპული საქართველოს“ მიერ მიწვეული აფხაზთა კრების წევრები და დევნილები ესწრებიან.

როგორც შეხვედრის დაწყებამდე აფხაზეთის ავტონომიური რესპუბლიკის ჯანდაცვის მინისტრმა ქეთევნა ბაკანაძემ განაცხადა, იგი აპირებს კონკრეტული საკითხების დაყენებას, რომელიც საშერავათო სამედიცინო პაკეტის შემშავებას გულისხმობს.

„გვინდა დავაყენოთ საკითხი, განსაკუთრებული საშეღავათო პაკეტის შემუშავების შესახებ ჩვენი თანამოქალაქეებისთვის, რომლებისთვისაც სახელმწიფოს მხრიდან საშეღავათო პირობები დაწესებული არ არის“,-განაცხადა ბაკანაძემ.

ფრაქცია „ევროპული საქართველოს“ თავმჯდომარემ ელენე ხოშტარიამ კი ყურადღება დევნილთა სამსინიტროს ინიციატივაზე გაამახვილა, რომელიც 45-ლარიანი სახელმწიფო დახმარებას შეეხება.

„ახალი სტრატეგია, გადაწყვეტილება,ნიშნავს დევნილების შეურაცხყოფას. აქ არ არის საუბარი 45 ლარზე, რომელიც თავისთავად მიზერულია, უბრალოდ, ეს არის პასუხისმგებლობის მოხსნა იმ სოციალური პრობლემების წინაშე და პოლიტიკური პრობლემების წინაშე, რომლებიც დევნილებს გააჩნიათ. ზუგდიდში თქვენ იცით, რომ ადამიანები შიმშილობენ იმ უსამართლო სისტემის გამო, რომელიც არსებობს ბინების დარიგებაში. ამ სხდომას ვიყენებთ იმისთვის, რომ ეს მწვავე საკითხები დავაყენოთ“,-აღნიშნა ხოშტარიამ.

მედიისინფრომაციით, ჯანდაცვის კომიტეტის სხდომაზე მყოფ აფხაზეთის ავტონომიური რესპუბლიკის მთავრობის მეთაურ ვახტანგ ყოლბაიასა და აფხაზეთიდან დევნილებს შორის შელაპარაკება მოხდა.

აფხაზთა კრების წამროამდგენლები აფხაზეთის მთავრობის ბიუჯეტის არამიზნობრივ ხარჯვაზე საუბრობდნენ და აცხადებდნენ, რომ ვახტანგ ყოლბაია თანამდებობიდან უნდა გადადგეს.

აღნიშნულს შელაპარაკება მოჰყვა, რის შემდეგაც „აფხაზთა კრების“ წარმომადგენლებმა სხდომა პროტესტის ნიშნად დატოვეს.

მონიკა დავლიანიძე