კომენტარი

ჯანდაცვის პროგრამის ხარისხი უნდა გაუმჯობედეს, შესაძლოა დაინერგოს სავალდებულო ჯანდაცვის სისტემაც - დიმიტრი ხუნდაძე

საპარლამენტო უმრავლესობის წევრის, დიმიტრი ხუნდაძის განცხადებით, „სოციალური პროგრამები მომავალში უფრო უნდა დაიხვეწოს და გაცილებით მიზნობრივი გახდეს“.

ამის შესახებ ხუნდაძემ პრესკონფერენციაზე განაცხადა.

ხუნდაძე მნიშვნელოვნად თვლის ჯანდაცვის სიტემის ხარისხის კიდევ უფრო გაუმჯობესებას და სავალდებულო დაზღვევაზეც საუბრობს.

„ჯანდაცვის სისტემა ოთხი კუთხით მუშაობდა და ეს ისევ გაგრძელდება. სოციალური მიმართულებები, რაც დღემდე იქნა შემუშავებული, ბოლომდე შენარჩუნდება. მომავალში უნდა მოხდეს მათი დახვეწა და მეტად მიზნობრივი უნდა იყოს. დემოგრაფიული პოლიტიკა, მე ვთვლი, რომ წარმატებული იყო და გაგრძელდება. ჯანდაცვის პროგრამამ იმ დიზაინით, როგორითაც აქამდე იყო, მნიშვნელოვანი შედეგი მოიტანა, მაგრამ მისი ხარისხიც უნდა გაუმჯობესდეს. შესაძლებელია, დაინერგოს სავალდებულო ჯანდაცვის სისტემაც“, – აღნიშნა ხუნდაძემ.

მონიკა დავლიანიძე