უკან
საზოგადოება
10 თებერვალი, 2018 14:55
დოდო გუგეშაშვილის მდგომარეობა კვლავ მძიმეა
დოდო გუგეშაშვილს მდგომარებიდან გამოსვლამდე და პალატაში გადაყვანამდე არ დაკითხავენ, - განუცხადა ღუდუშაურის სახელობის კლინიკასთან ჟურნალისტებს გუგეშაშვილის მეგობარმა სამსონ ბრეგვაძემ.
მისი თქმით, ხელოვნური სუნთქვის აპარატიდან მოხსნის მიუხედავად, დოდო გუგეშაშვილის მდგომარეობა კვლავ მძიმეა.
"ისევ მძიმედაა, თუმცა, ყველა ვარიანტში გადარჩენილია. ვიდრე პალატაში არ გადაიყვანენ დაკითხვა არ იქნება", - განაცხადა სამსონ ბრეგვაძემ.
ცნობისათვის, თადარიგის პოლკოვნიკ დოდო გუგეშაშვილს და მის შვილს 7 თებერვალს, დიღომში, საკუთარ საცხოვრებელ სახლში თავს დაესხნენ. შედეგად ადგილზე გარდაიცვალა დოდო გუგეშაშვილის შვილი, პოლკოვნიკი კი დაიჭრა.