კომენტარი
ელექტროენერგიაზე ფასების ზრდა მოსალოდნელი არ არის - კახა კალაძე
ენერგეტიკის მინისტრის, კახა კალაძეს განცხადებით, ელექტროენერგიაზე ფასების ზრდა მოსალოდნელი არ არის.
როგორც მინისტრმა მედიას განუცხადა, ბოლო დროს ხშირად იმის შესაბამისი შინაარსის განცხადებები.
„ეს არის მარეგულირებელი კომისიის, სემეკ-ის პრეროგატივა. თუმცა მიუხედავად ამ ყველაფრისა, ჩვენც, ენერგეტიკის სამინისტროში ვაკეთებთ დათვლებს. შემიძლია, დღევანდელი გადმოსახედიდან გითხრათ, რომ ელექტროენერგიაზე ფასების ზრდა არ არის მოსალოდნელი“, -განაცხადა კალაძემ.
ამასთან, როგორც მინისტრმა აღნიშნა, თუ მომავალი წლების განმავლობაში ელექტროენერგიაზე ტარიფის გადახედვის საჭიროება დადგება, ეს აუცილებლად მოხდება.
“ჩვენ არ დავუშვებთ, რომ კომპანიები გაკოტრდნენ, ენერგეტიკა დაინგრეს. გახსოვთ გასულ წელს ჩემი განცხადებები. ბევრი საუბარი იყო, რომ ტარიფი არ გაგვეზარდა, მაგრამ ეს იქნებოდა დიდი პრობლემა მთლიანად ენერგეტიკის სექტორისთვის. მარეგულირებელმა კომისიამ იმუშავა და 30%-ით მოხდა ტარიფის მატება ელექტროენერგიაზე, ანუ დაუბრუნდა იმ ძველ ნიშნულს, რაც 2012 წლამდე იყო“, - აღნიშნა ვიცე-პრემიერმა.
მონიკა დავლიანიძე