საზოგადოება

ენერგოომბუდსმენს 1000-მდე გორელმა მიმართა მოხმარებულ ბუნებრივ აირსა და დარიცხულ გადასახადს შორის სავარაუდო შეუსაბამობის გამო

ენერგოომბუდსმენმა სალომე ვარდიაშვილმა გორის აბონენტთა მიერ „საქგორგაზის“ წინააღმდეგ შეტანილი საჩივრების შესწავლის პირველადი ანალიზი წარადგინა.

ვარდიაშვილის ინფორმაციით, მის აპარატს სულ 947-მა მოქალაქემ მიმართა. შესწავლის შედეგად, აბონენტთა ნაწილს დაუფიქსირდა შეუსაბამობები მოხმარებულ ბუნებრივ აირსა და დარიცხულ გადასახადს შორის. მომჩივანთა ნაწილთან მსგავსი გადაცდომა არ დაფიქსირებულა.

ვარდიაშვილის თქმით, სიტუაციის შესწავლის დასრულებამდე, სანამ აბონენტები საბოლოო პასუხს არ მიიღებენ, „საქგორგაზი“ ვალდებულია, არ შეუწყვიტოს მოსახლეობას ბუნებრივი აირის მიწოდება.

„საქგორგაზი“ „სოკარ ჯორჯია გაზის“ შვილობილი კომპანიაა. პირველი საპროტესტო აქცია კომპანიის წინააღმდეგ გორში გასული წლის 30 დეკემბერს დაიწყო. მოსახლეობა უკმაყოფილებას გამოთქვამდა, რომ ნოემბრის თვესთან შედარებით დეკემბერში მათ გაორმაგებული ან გასსამაგებული გადასახადები მიირეს.