პოლიტიკა
ეს არის მართლმსაჯულების იმიტაცია - ანა ნაცვლიშვილი
პრეზიდენტის საპარლამენტო მდივანი ანა ნაცვლიშვილი მამუკა მდინარაძის განცხადებას გამოეხმაურა, რომლის მიხედვით მაღალი თანამდებობის პირები, ვინც მართლმსაჯულების განხორციელებას ხელს შეუშლის, ციხეში უფრო მკაცრი სასჯელით მოხვდებიან. ინიციატივას „გირგვლიანის შესწორებები“ დაარქვეს.
ნაცვლიშვილის შეფასებით, აღნიშნული ინიციატივა „მართლმსაჯულების იმიტაციაა“ და არ იქნება ეფექტური, სანამ სისტემურ დანაშაულებთან დაკავშირებული პირები მაღალ თანამდებობებზე დარჩებიან..
„რა გირგვლიანის პაკეტზე შეიძლება იყოს საუბარი, როდესაც იგივე ადამიანები, რომლებიც შემოქმედები არიან სისტემური დანაშაულისა, დიდწილად კვლავ სისტემებში რჩებიან. ეს არ არის მართლმსაჯულების აღსრულება, ეს არის მართლმსაჯულების იმიტაცია.
ასობით მოქალაქე ელოდება პასუხს ხელისუფლებისგან და კიდევ ერთხელ ხაზგასმით ვიტყვი, ეს არ არის და არ უნდა გახდეს პოლიტიკური კინკლაობის და პინგ-პონგის თემა,“ - აცხადებს ანა ნაცვლიშვილი.