უკან

პოლიტიკა

10 იანვარი, 2018 14:25
font-size

„ევროპულმა საქართველომ“ „ბიტფიურისგან“ საქართველოს ხელისუფლებასთან გაფორმებული ხელშეკრულების გამოქვეყნება მოითხოვა

„ევროპული საქართველოს“ წევრი აკაკი ბობოხიძე ტექნოლოგიური კომპანია „ბიტფიურის“ გუშინდელ განცხადებას გამოეხმაურა. წერილში კომპანიამ უარყო პარტიის ბრალდებები, რომ ის დენს მოიხმარს შეღავათიანი ტარიფით, და განაცხადა, რომ კვირის ბოლომდე გამოაქვეყნებს კომუნალური გადასახადების შესახებ დეტალურ ინფორმაციას.

ბობოხიძემ დღევანდელ პრესკონფერენციაზე „ბიტფიურისგან“ მოითხოვა, ასევე გამოაქვეყნოს საქართველოს ხელისუფლებასთან გაფორმებული ხელშეკრულება და მონაცემები, თუ რამდენს იხდის ერთ კილოვატ დენში და რამდენია მისი მოხმარების სიმძლავრე ერთი საათის განმავლობაში.

„კომპანია არაა ვალდებული, გამოაქვეყნოს თავისი ეკონომიკური მონაცემები , მაგრამ, რაკი ბიტფიურმა გამოთქვა კეთილი ნება და გამოაცხადა ამის თაობაზე, ჩვენ ვთხოვთ მას, გამოაქვეყნოს მთლიანად ხელშეკრულება საქართველოს ხელისუფლებასთან, რომელიც რატომღაც არის გასაიდუმლოებული.

ჩვენ ვთხოვთ, გამოაქვეყნოს, არა მხოლოდ ის, თუ რამდენს იხდის დენში მთლიანობაში, არამედ გამოაქვეყნოს მონაცემები , ერთ კილოვატზე რა ტარიფით იხდის ის ამ გადასახადს.

მეორე, გამოაქვეყნოს მონაცემი, თუ რამდენია მისი მოხმარების სიმძლავრე ერთი საათის განმავლობაში.

ამის შემდეგ ჩვენ ვთხოვთ მას, გამოაქვეყნოს, რატომ აირჩია კონკრეტულად ის ადგილი თავისუფალი ეკონომიკური ზონისთვის , რა ტერიტორიაზეც ის არის განთავსებული.

გარდა ამისა, მას შემდეგ, რაც ჩვენ მივიღებთ ამ კითხვებზე პასუხს, ბუნებრივია, ჩვენ გვექნება შეკითხვები საქართველოს ხელისუფლებასთან“, - განაცხადა ბობოხიძემ.

დეპუტატის თქმით, „ბიტფიურს“ ხელისუფლებამ „სასათბურე პირობები“ შეუქმნა.

„ბიტფიური არის ელექტროენერგიის ერთ-ერთი ყველაზე დიდი მომხმარებელი და თუ პროპორციულად გავითვალისწინებთ საწარმოების მასშტაბებს, მაშინ შეიძლება ვთქვა, რომ ისაა ელექტროენერგიის ყველაზე დიდი მომხმარებელი საქართველოში. ბიტფიური როგორც თავისუფალი ეკონომიკური ზონის სტატუსის მქონე ორგანიზაცია, არ იხდის არცერთ თეთრს საქართველოს ბიუჯეტში. ის, როგორც თავისუფალი ეკონომიკური ზონის სტატუსის მქონე ორგანიზაციას, აქვს ყველაზე დაბალი ტარიფი დენზე. ბიტფიურს ეს სასათბურე პირობები შეექმნა საქართველოს მთავრობის გადაწყვეტილებით , როდესაც 18 ჰექტარი მიწა თავისუფალი ეკონომიკური ზონის მოსაწყობად მას გადაეცა სიუმბოლურ ერთ ლარად“, -განაცხადა ბობოხიძემ.

ანა მებურიშვილი


პარლამენტში დღეს დავით ზალკალიანს მოუსმენენ

17 ოქტომბერი, 2019 , 10:30

დღეს, პარლამენტში “მინისტრის საათის” ფორმატში საქართველოს საგარეო საქმეთა მინისტრ დავით ზალკალიანს მოუსმენენ. „მინისტრის საათი“ ახალი რეგლამენტით განსაზღვრული ფორმატია, რომელიც პარლამენტის პლენარუ

2019 წლის სახელმწიფო ბიუჯეტის პროექტში დეფიციტის და მთავრობის ვალის მოცულობა, საერთაშორისო სტანდარტებს შეესაბამება - ირაკლი კოვზანაძე

16 ოქტომბერი, 2019 , 17:30

2019 წლის სახელმწიფო ბიუჯეტის პროექტში დეფიციტის და მთავრობის ვალის მოცულობა, საერთაშორისო სტანდარტებს შეესაბამება. ამის შესახებ საქართველოს პარლამენტის პლენარულ სესიაზე 2019 წლის სახელმწიფო ბიუჯეტში ცვლილებებზე საუბრის

მთავრობამ სასწრაფოდ უნდა გაწყვიტოს ხელშეკრულება ხაზარაძესთან - დავით ჭიჭინაძე

16 ოქტომბერი, 2019 , 16:25

„თუ ხელისუფლებამ სასწრაფოდ არ გაწყვიტა მამუკა ხაზარაძესთან ხელშეკრულება და თავად არ დაიწყო აშშ-სთან და მათ საინვესტიციო ჯგუფთან საუბარი, მაშინ გამოდის, რომ ხელისუფლება მართლა ცდილობს, რომ ანაკლიის პროექტი არ განხორ

ლაშა დარსალია საფრანგეთის ელჩს შეხვდა

16 ოქტომბერი, 2019 , 12:00

საქართველოს საგარეო საქმეთა მინისტრის მოადგილემ ლაშა დარსალიამ გაცნობითი შეხვედრა გამართა საქართველოში საფრანგეთის რესპუბლიკის ელჩთან დიეგო კოლასთან. ლაშა დარსალიამ ფრანგ დიპლომატს მიულოცა საქართველოში დიპლომატიური მისიი

საქართველოსა და სომხეთის საგარეო საქმეთა მინისტრებმა მაღალი შეფასება მისცეს ორი ქვეყნის ურთიერთობებს

16 ოქტომბერი, 2019 , 10:35

საქართველოს საგარეო საქმეთა მინისტრი დავით ზალკალიანი სომეხ კოლეგას ზოგრაბ მნაცაკანიანს შეხვდა. აღნიშნულ ინფორმაციას საგარეო საქმეთა სამინისტრო ავრცელებს. მინისტრების შეხვედრა სომხეთის რესპუბლიკაში საქართველოს პრემიერ-მი

იუსტიციის მინისტრმა ევროსაბჭოს წევრ სახელმწიფოთა იუსტიციის მინისტრების კონფერენციას სიტყვით მიმართა

15 ოქტომბერი, 2019 , 17:20

ადამიანის უფლებების დაცვაზე დაფუძნებული სამართლებრივი პოლიტიკა, კანონის უზენაესობისა და პირადი მონაცემების დაცვის უზრუნველყოფა ახალი ტექნოლოგიების ეპოქაში, კორუფციასთან წარმატებული ბრძოლა, ელმმართველობა, ღია და გამჭვირვა