პოლიტიკა

`ევროპულმა საქართველომ“ და „თავისუფალმა დემოკრატებმა“ საკონსტიტუციო კომისია დატოვეს

"ევროპულმა საქართველომ“ და „თავისუფალმა დემოკრატებმა“ საკონსტიტუციო კომისია დატოვეს.

შესაბამისი განცხადება პარტიების წევრებმა ირაკლი აბესაძემ და შალვა შავგულიძემ პარლამენტში გამართულ პრეკონფერენციაზე გააკეთეს.

მათი შეფასებით, საკონსტიტუციო ცვლილებების პროექტით შემოთავაზებულია არასამართლიანი საარჩევნო სისტემა და პრეზიდენტის იმსტიტუტის უფლებამოსილების შეზღუდვა.

როგორც აბესაძემ და შავგულიძემ აღნიშნეს, პროექტში გათვალისწინებულია მხოლოდ "ქართული ოცნების" პოზიციები და უგულებელყოფილია ოპოზიციური პოლიტიკური პარტიებისა და არასამთავრობო სექტორის განსხვავებული მოსაზრებები.

მათივე ინფორმაციით, "თავისუფალი დემოკრატები" და "ევროპული საქართველო" მონაწილეობას არ მიიღებენ პროექტის კენჭისყრაში, რომელიც შაბათს გაიმართება.

შეგახსენებთ, რომ რამდენიმე დღის წინ საკონსტიტუციო კომისია ასევე დატოვეს პარტიებმა: "სახელმწიფო ხალხისთვის", "ერთიანი ნაციონალური მოძრაობა", "პატრიოტთა ალიანსი" და "დემოკრატიული მოძრაობა".

ნინო ექვთიმიშვილი