კომენტარი

ფეხებზე მკიდია `ლგბტ` მხარდაჭერის მიზნით სამკლაურის გამკეთებელიც და ამის მომხრეებიც - ზაზა პაპუაშვილი

საქართველოს ფეხბურთის ფედერაციის პრეზიდენტის და საპარლამენტო უმრავლესობის წევრის, ლევან კობიაშვილის მიერ სამკლაურის გამო გურამ კაშიასთვის გამოცხადებულ მხარდაჭერას მისი თანაგუნდელი, უმრავლესობის წევრი ზაზა პაპუაშვილი ეხმიანება.

"რაც შეეხება ლევან კობიაშვილის პოზიციას, რა, თავს ესხმოდნენ კაშიას? თუ დაუჭირა მხარი, ახლა მე რა გავაკეთო? ლევან კობიაშვილს თავისი აზრი აქვს, პირადად მე ამ სამკლაურს არ გავიკეთებდი. ნაკლებად ვღელავ ასეთ რაღაცებზე. როცა თქვენ ანტიდისკრიმინაციულ კანონს მიხსენებთ, იქიდან ბევრი რამე ამოვიღეთ. კანონს ხელი მოვაწერე იმიტომ, რომ დაგიმტკიცოთ არ ვარ ის ადამიანი , რომელიც მომხრეა გაპარტახების და ვიღაცის სისხლის დანთხევის. ჩვეულებრივი ნორმალური ადამიანი ვარ, თუ ჭკუიდან არ გადამიყვანენ. "ლგბტ" თემის გამო ქვეყანა ხომ არ უნდა აირ-დაირიოს. ამ თემების პროპაგანდისთვის ფული იხარჯება. შფოთი უნდა მოხდეს, ამიტომ მე ვარ ჩემი ქვეყნის სადარაჯოზე. ფეხებზე მკიდია "ლგბტ" მხარდაჭერის მიზნით სამკლაურის გამკეთებელიც და ამის მომხრეებიც", - აცხადებს პაპუაშვილი "ალიასთან" ინტერვიუში.