უკან

უახლესი ამბები

დღის კალენდარი

ანონსები

არქივი

სამართალი

9 თებერვალი, 2017 15:15
font-size

ფიქტიური შემძენი ვიყავი - ტელეკომპანია ,,იბერიას’’ საქმეზე პროცესი გრძელდება

თბილისის საქალაქო სასამართლოში ტელეკომპანია ,,იბერიას’’ დახურვისა და სამაუწყებლო ლიცენზიის დათმობის საქმეზე პროცესი ბრალდების მხარის მტკიცებულებათა გამოკვლევით განახლდა.

სხდომათა დარბაზში ბრალდების მხარის მოწმე, ბიძინა ნიჟარაძე დაიკითხა, რომელზეც 2006 წელს იბერია ტვ-ის წილის გადაფორმება მოხდა.

როგორც მოწმემ დაკითხვისას აღნიშნა, 2006 წელს მას დაუკავშირდა იმჟამინდელი მარეგულირებელი კომისიის თავმჯდომარე, დიმიტრი ქიტოშვილი და უთხრა, რომ მის სახელზე უნდა გადაფორმებულიყო შპს ,,აისი’’. ნიჟარაძის თქმით, ქიტოშვილთან მას აკავშირებდა წლების მეგობრობა და ნათელმირონობა და ზედმეტი შეკითხვების გარეშე მივიდა დათქმულ დროს სანოტარო ბიუროში, გადაფორმებისთვის საჭირო დოკუმენტაციაზე ხელის მოსაწერად.

,,2006 წელს დამიკავშირდა ჩემი მეგობარი დიმიტრი ქიტოშვილი, რომელმაც მთხოვა, რომ ჩემ სახელზე გადმოფორმებულიყო შპს ,,აისი’’, რომელიც მანამდე დავით კაკაურიძეზე იყო გაფორმებული. არანაირი პრობლემა არ შეიქმნებაო. თქვა, რომ ხელმძღვანელობისგან ჰქონდა დავალება მიღებული, სანდო ადამიანზე გადაეფორმებინა ეს წილი, თუმცა არ დაუსახელებია კონკრეტულად ვისგან. დიმიტრის არანაირი განმარტებები არ მოუცია, გარდა ტექნიკურისა, რომ მივსულიყავი კონკრეტულ სანოტარო ბიუროში. მივედი, მოვაწერე ხელი და წამოვედი. ფიქტიური შემძენი ვიყავი. არც თანხა გადამიხდია. უკვე 2007 წელი იყო, თვითონ დიმა დამიკავშირდა და მითხრა, რომ ჩემი სახელი უნდა მოცილებულიყო ამ შპს-ს და ისევ სანოტარო ბიუროში მთხოვა მისვლა. ჩემგან უკვე ვისზეც უნდა გადაფორმებულიყო ეს წილი, არ ვიცნობდი’’, - განაცხადა ნიჟარაძემ.

მისივე თქმით, იმის შესახებ, რომ საქმე ტელეკომპანის ,,იბერიის’’ წილს ეხებოდა, მან თავიდანვე იცოდა.

პროკურორის კითხვაზე, ცნობილი იყო თუ არა მისთვის, რომ კონკრეტული შპს, რომელიც მის სახელზე უნდა გადაფორმებულიყო, ფლობდა იბერია ტვ-ს კუთვნილ ლიცენზიას, მოწმემ აღნიშნა, რომ ეს მას დიმიტრი ქიტოშვილმა უთხრა და მისთვის ცნობილი იყო.

დღევანდელ პროცესზევე ბრალდების მხარემ გამოაქვეყნა გარდაცვლილი მოწმის ალექსანდრე ლაცაბიძის ჩვენება, რომელიც მან გამოძიების ეტაპზე 2014 წლის 14 აგვისტოს მისცა.

პროკურორ ემზარ გაგნიძის ინფორმაციით, ალექსანდრე ლაცაბიძე ტელეკომპანია ,,იბერიის’’ დირექტორი და ამავდროულად იმ პირთა შორის იყო, ვინც უშუალოდ მონაწილეობდა წილის გადაფორმების პროცესში.

პროკურორმა მოწმის ჩვენებიდან ის ნაწილი წიაკითხა, რომელიც ,,ომეგა ჯგუფის’’ კომპანიებში სპეცრაზმის შეჭრას და ფინანსურ რევიზიას უკავშირდებოდა.

ალექსანდრე ლაცაბიძის ჩვენების თანახმად, 2004 წლის შემოდგომაზე მას ,,ომეგა ჯგუფის’’ წარმომადგენელმა ლევან აღდგომელაშვილმა შეატყობინა გენერალური პროკურორის მოადგილესთან, გიორგი ლაცაბიძესთან შეხვედრისა და იმ პირობების შესახებ, რომლითაც მოხდებოდა კომპანიებში საქმიანობის აღდგენა და დავალიანების რესტრუქტურიზაცია. გარდაცვლილი მოწმის ჩვენებითვე, მან უშუალოდ ,,ომეგა ჯგუფის’’ ხელმძღვანელის, ზაზა ოქუაშვილისგან მიიღო თანხმობა, რომ კომპანიის წარმომადგენლებს იბერია ტვ-ს ლიცენზიის გადაფორმება მოეხდინათ.

ალესანდრე ლაცაბიძის მიერ გამოძიებისთვის მიცემულ ჩვენებაში ასევე აღნიშნულია, რომ როდესაც მხარეები სანოტარო ბიუროში წილის გადასაფორმებლად მივიდნენ, იქ დიმიტრი ქიტოშვილიც იმყოფებოდა.

შეგახსენებთ, რომ პროკურატურამ ტელეკომპანია ,,იბერიის’’ დახურვისა და სამაუწყებლო ლიცენზიის ჩამორთმევის საქმე 2016 წლის თებერვალში გახსნა. უწყების ინფორმაციით, აღნიშნულ ფაქტთან დაკავშირებით ყოფილი გენერალური პროკურორი ზურაბ ადეიშვილი და მისი პირველი მოადგილე გიორგი ლაცაბიძე სისხლის სამართლის პასუხისგებაში მიეცა.

საქმეზე მომდევნო სხდომა 7 მარტის 11:00 საათისთვის ჩაინიშნა.

ევროპარლამენტის რეზოლუციაში მერაბიშვილის საკითხი ერთ-ერთ გამოსასწორებელ თემად არის დაფიქსირებული - ადვოკატი

21 ნოემბერი, 2018 , 16:40

მსჯავრდებულ ვანო მერაბიშვილის ადვოკატებმა სტრასბურგიდან ახალი ინფორმაცია მიიღეს. გიორგი ჩივიაშვილმა ყურადღება გაამახვილა ევროპარლამენტში მიღებულ რეზოლუციაზე, სადაც ყოფილი პრემიერის საქმეზეა ლაპარაკი. მერაბიშვილის უფლებად

მოვითხოვთ, დეკემბრის ბოლოსთვის თბილისის პროკურატურამ დაასრულოს გამოძიება თემირლან მაჩალიკაშვილის მკვლელობის საქმეზე - მაჩალიკაშვილების ადვოკატი

21 ნოემბერი, 2018 , 16:25

„მოვითხოვთ, შეიქმნას სპეციალური კომისია და თემირლან მაჩალიკაშვილის საქმე კომისიის მიერ იყოს გარჩეული. ეს არის ჩვენი პირდაპირი მოთხოვნა. გვსურს, ყველა მტკიცებულება გაიხსნას და მერე მოხდეს მასზე მსჯელობა“, - ამ

ჩვენი მანდატის ფარგლებში რაც გადავამოწმეთ ინფორმაცია, ეს ინფორმაცია დადასტურდა - ირმა პავლიაშვილი ყალბ პირადობებზე

21 ნოემბერი, 2018 , 13:50

მთავარ პროკურატურაში გუშინ გავრცელებულ ინფორმაციასთან დაკავშირებით, საია-ს აღმასრულებელი დირექტორის, ირმა პავლიაშვილის გამოკითხვა მიმდინარეობს. როგორც ირმა პავლიაშვილმა განაცხადა, გუშინ მათ წარმოადგინეს მათ ხელთ არსებული

პროკურატურაში ეკა გიგაურის გამოკითხვა მიმდინარეობს

21 ნოემბერი, 2018 , 13:15

მთავარ პროკურატურაში „საერთაშორისო გამჭვირვალობა - საქართველოს“ აღმასრულებელი დირექტორის, ეკა გიგაურის გამოკითხვა მიმდინარეობს. მასთან ერთად ადვოკატის სტატუსით გამოკითხვაზე იმყოფება ასევე მესამე სექტორის წარმ

ყალბი პირადობის მოწმობების შესაძლო დამზადების შესახებ არასამთავრობო ორგანიზაციების გავრცელებულ ინფორმაციაზე პროკურატურამ გამოძიება დაიწყო

20 ნოემბერი, 2018 , 17:37

გასაღების ან გამოყენების მიზნით ყალბი პირადობის მოწმობების შესაძლო დამზადების ფაქტზე არასამთავრობო ორგანიზაციების მიერ გავრცელებულ ინფორმაციაზე მთავარ პროკურატურაში გამოძიება დაიწყო. პროკურატურის ცნობით, საგამოძიებო უწყე

პროკურატურის შუამდგომლობით ორი მსჯავრდებულის საქმე გადაისინჯება, ერთ დაზარალებულს კი უძრავი ქონება დაუბრუნდება

20 ნოემბერი, 2018 , 15:40

საქართველოს მთავარი პროკურატურის სამართალწარმოების პროცესში ჩადენილი დანაშაულის გამოძიების დეპარტამენტის მორიგი შემაჯამებელი გადაწყვეტილებების შედეგად პოლიტპატიმარ მერაბ რატიშვილის საქმე გადაისინჯება, ასევე განაჩენის გად

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`