უახლესი ამბები
- 01.05.2024 16:15მჯერა ქართველი ხალხის, ის საქართველოს ევროპულ გზას დაიცავს - ევროპარლამენტარი
- 01.05.2024 15:39ძალადობა უნდა შეწყდეს - საქართველოში გერმანიის ელჩი
- 01.05.2024 15:27ხელისუფლება შევიდა უმძიმეს და არასაჭირო პროცესში და ვფიქრობ, მას მოუწევს დიდი პოლიტიკური ფასის გადახდა - გიორგი კვირიკაშვილი
- 01.05.2024 15:182 მაისიდან 6 მაისამდე საქართველოში ამინდი გაუარესდება
არქივი
სამართალი
გადავწყვიტე გამოვიყენო კონსტიტუციური უფლება და ვთავაზობ პარლამენტს სასმართლო რეფორმაზე მოტივირებულ შენიშვნებს- პრეზიდენტი
საქართველოს პრეზიდენტის გიორგი მარგველაშვილის განცხადებით, ადმინისტრაციაში შესულია სასამართლო რეფორმასთან დაკავშირებით საკანონმდებლო პაკეტი.
როგორც პრეზიდენტმა სპეციალურ ბრიფინგზე აღნიშნა, მან მიიღო კონსტიტუციით მინიჭებული უფლება აღნიშნულ პაკეტთან დაკავშირებით და პარლამენტს მოტივირებულ შენიშვნებს უგზავნის.
„პარლამენტიდან ხელმოსაწერად შემოვიდა სასამრთლო რეფორმასთან დაკავშირებული საკანონმდებლო პაკეტი. სასამართლო სისტემის რეფორმირება, მისი გაძლიერება და გაჯანსაღება ყოველთვის იყო ჩემი უმნიშვნელოვანესი პრიორიტეტი. მინდა საზოგადოებას მოვახსენო, რომ წარმოდგენილ პაკეტში არის ბევრი სასარგებლო და მნიშვნელოვანი ცვლილება, მათ შორის ისეთი ცვლილებები, რომლის თაობაზეც და რომლის დანერგვაზე და ტექნიკურ უზნრუნველყოფაზეც ჩვენი ადმინისტრაციიდან გაცემული არის მრავალი, ასობით ათასი ლარი, რომ ეს სისტემა სასამართლოში დანერგილი იყოს. ასეთია მაგალითად, საქმეების ელექტრონული განაწილების სისტემა,თუმცა, ამავე დროს ეს პაკეტი შეიცავს ნორმებს, რომელიც ეწინააღმდეგება მიუკერძოებელ სასამართლოს და ინდივიდუალური მოსამართლის დამოუკიდებლობის უზრუნველყოფის პრინციპებს.
აქედან გამომდინარე, გამომდინარე ამ პაკეტისა და საერთოდ სასამართლო სისტემის რეფორმის მნიშვნელობიდან, მე გადავწყვიტე გამოვიყენო კონსტიტუციური უფლება და ვთავაზობ პარლამენტს მოტივირებულ შენიშვნებს, რომელთაგან უმნიშვნელოვანესია ის ცვლილებები, რომლებიც უზრუნველყოფს სასამართლოში თავმჯდომარეების არჩევის წესს და აგრეთვე, გააუქმებს მომავალში საგამოცდო ვადას.
ეს ის ძირითადი პრინციპებია, რომელიც სრულ თანხვედრაშია იმ კანონებთან მიმართებაში, ვენეციის კომისიის უკვე გაკეთებულ რეკომენდაციებთან. მე მიმაჩნია, რომ ამ მოტივირებული შენიშვნების გათვალისწინებით ჩვენ მივიღებთ უფრო მაღალი ხარისხის კანონმდებლობას და უფრო მაღალი ხარისხის სასამართლოს“,-განაცხადა პრეზიდენტმა.
მონიკა დავლიანიძე