კომენტარი

გაძლევთ იმის პირობას, რომ სიმშვიდე ყველგან იქნება - გიორგი მღებრიშვილი

საქართველოს შინაგან საქმეთა მინისტრის გიორგი მღებრიშვილის განცხადებით, უწყებას ქონდა ოპერატიული ინფორმაცია, რომ ბათუმის აქციაზე მივიდოდნენ ადამიანები „ცნობისმოყვარეობის მიზნით“.

თუმცა, მინისტრის განმარტებით, არეულობა მოჰყვა იმას, რომ ადგილზე დარჩნენ კრიმინალები.-
ამის შესახებ მინისტრმა ხულოში პოლიციის თანამშრომლებთან შეხვედრაზე განაცხდაა.

„ოპერატიული ინფორმაცია გვქონდა გარედან, რომ ეს ადამიანები, ვინც ცნობისმოყვარეობის მიზნით იყვნენ მისული, წავიდოდნენ და დაიშლებოდნენ. როგორც კი იქ ადგილზე დარჩა კრიმინალები, სრული ამ სიტყვის მნიშვნელობით, ჩვენ მერე უკვე ჩავერიეთ. უფრო მეტად გვიღირს თითოეული ადამიანის ჯანმრთელობა და სიცოცხლე, ვიდრე ორი დამწვარი და სამი დამწვარი მანქანა. იმ შეურაცხყოფასაც ავიტანთ, რა შეურაცხყოფაც მოგვაყენეს. ჩვენ თმენის ვალდებულება გვაქვს და ჩვენ მაქსიმალურად ვიჩენთ ამ თმენის ვალდებულებას.

კიდევ ერთხელ ვიმეორებ, რომ მაქსიმუმი გავაკეთეთ ჩვენ იმისა, რაც შეგვეძლო, მოთმინებას ვგულისხმობ. ეს იყო წმინდა წყლის პროვოკაცია. მე გაძლევთ იმის პირობას, რომ სიმშვიდე ყველგან იქნება. არამარტო აჭარაში, მთელ საქართველოში იქნებას“,-განმარტა მღებრიშვილმა.

მონიკა დავლიანიძე