საზოგადოება

გამოკითხულთა 51% მიიჩნევს, რომ მისი ოჯახის ეკონომიკური მდგომარეობა მომდევნო 12 თვის განმავლობაში იგივე დარჩება - NDI

ეროვნულ-დემოკრატიული ინსტიტუტის (NDI)კვლევის მიხედვით, გამოკითხულთა 51% მიიჩნევს, რომ მისი ოჯახის ეკონომიკური მდგომარეობა მომდევნო 12 თვის განმავლობაში იგივე დარჩება.

კითხვაზე როგორ შეიცვლება თქვენი ოჯახის ეკონომიკური მდგომარეობა მომდევნო 12 თვის განმავლობაში, გამოკითხულთა 1% მიიჩნევს, რომ გაუმჯობესდება, 22% ფიქრობს, რომ ნაწილობრივ გაუმჯობესდება, 10% აცხადებს, რომ ნაწილობრივ გაუარესდება, ხოლო 2% მიიჩნევს, რომ ძალიან გაუარესდება. კითხვაზე პასუხი არ იცის გამოკითხულთა 14%-მა.

ამერიკის ეროვნულ-დემოკრატიულმა ინსტიტუტმა დღეს ქვეყნის განვითარების კურსთან, საცხოვრებელ პირობებთან, ეროვნული და ადგილობრივი მნიშვნელობის საკითხებთან, ხელისუფლების საქმიანობასთან, საგარეო პოლიტიკასთან და მიმდინარე რეფორმებთან დაკავშირებული მიგნებები გაასაჯაროვა.

კვლევის საველე სამუშაოები 18 ივნისი - 9 ივლისის პერიოდში 2,261 პირისპირ ინტერვიუს წარმომადგელობითი შერჩევის საფუძველზე საქართველოს მასშტაბით (ოკუპირებული ტერიტორიების გამოკლებით) ჩატარდა.