პოლიტიკა

გარდაბნის მერიამ 2 მანქანა დაკარგა - აუდიტის სამსახური

აუდიტის სამსახურის ფინანსური და შესაბამისობის ანგარიშიდან ირკვევა, რომ გარდაბნის მერიამ 2 ავტომანქანა დაკარგა. კერძოდ, მერიამ ვერ წარადგინა ინფორმაცია MITSUBISHI PAJERO 3500 V6/24V-სა და GAZ31029-ის მარკის ავტომანქანების მდებარეობისა და მდგომარეობის შესახებ.

დასკვნის თანახმად, გარდაბნის გამგეობამ MITSUBISHI PAJERO 3500 V6/24V შეიძინა 2007 წელს და მასში 15 300 ლარი გადაიხადა. „GAZ-31029“-ის შესახებ ინფორმაცია საერთოდ არ მოიძებნა.

გარდა ამისა, საგზაო-სატრანსპორტო შემთხვევის შედეგად დაზიანებულია 2010 წლის შემდეგ ახლადშეძენილი 3 ავტომანქანა.

გარდა ამისა, ანგარიშსი წერია, რომ სამსახურებრივი უფლებამოსილების შესასრულებლად გარდაბნის მუნიციპალიტეტისთვის რეკომენდებულია 7 ერთეული სამორიგეო ავტომანქანა. გარდაბნის მუნიციპალიტეტი, საბალანსო მონაცემების მიხედვით, განკარგავდა 50 ერთეულ მსუბუქ ავტომანქანას. აქედან, ფაქტობრივად არის 45 ავტომობილი, საიდანაც ვარგისია 23.