უახლესი ამბები
- 19.03.2024 16:46ჩვენი მკაფიო სახელმწიფოებრივი და კონსტიტუციური პოზიციაა, რომ არანაირი „ვეტინგი“ არ იქნება - რატი იონათამიშვილი
- 19.03.2024 16:17სრულიად აშკარაა, რომ „ქართული ოცნება“ შიშითაა მოცული, ზოგადად, ქართველი ხალხის და „ლელოს“ მიმართ - დავით უსუფაშვილი
- 19.03.2024 16:03გამოდის თუ არა ბატონო ანრი ოხანაშვილი “ნაცი“, ვინაიდან აღმოჩნდა, რომ ის მეხუთე სართულზე ცხოვრობს - რომან გოცირიძე
- 19.03.2024 15:47საქართველოს ბანკის დირექტორის მოადგილე, ეთერ ირემაძე UN Women-ის ღონისძიებაში „დარეკე ზარი გენდერული თანასწორობისთვის“ მონაწილეობდა
- 19.03.2024 15:40რატომ იცლება ქვეყანა? რა იწვევს ემიგრაციას? გვინდა პასუხი და არა დუმილი და ცინიზმი ხელისუფლების მხრიდან - თინა ბოკუჩავა
- 19.03.2024 15:28`საპატრიარქოს თავისთვის არაფერი უნდა, ეს არის ყველაფერი განათლებისთვის, ეს არის ჩვენი ქვეყნისთვის“ - პროტოპრესვიტერი გიორგი მეუფე ანტონი საპატრიარქოსთვის 35მლნ-ის გამოყოფაზე
- 19.03.2024 15:10„მაგით, რა, ახალ რამეს გავაკეთებთ? ფასები არის ძალიან გაძვირებული, კარგად იცით ეს“ - მეუფე ანტონი საპატრიარქოსთვის 35მლნ-ის გამოყოფაზე
- 19.03.2024 15:04საპატრიარქოსთვის 35 მილიონის გამოყოფა არჩევნებს არ უკავშირდება - ირაკლი კობახიძე
- 19.03.2024 14:58საპატრიარქოსთვის 35 მილიონის გამოყოფა არჩევნებს არ უკავშირდება - ირაკლი კობახიძე
- 19.03.2024 14:38სააკაშვილის მანიპულაციურ განცხადებებზე კომენტარის გაკეთებას არ ვაპირებ - რატი ბრეგაძე
არქივი
საზოგადოება
გარიგებებს თვალთმაქცობის ნიშნები აქვს და ხშირად კორუფციაზე მიუთითებს – ანა დოლიძე
იუსტიციის უმაღლესი საბჭოს არამოსამართლე წევრები ანა დოლიძე და ნაზი ჯანეზაშვილი დღეს პარლამენტში დამოუკიდებელ დეპუტატებს, ასევე „შენების მოძრაობის“ ხელმძღვანელ დავით უსუფაშვილს შეხვდნენ. შეხვედრას უმრავლესობის წევრები ბიძინა გეგიძე და აკაკი ზოიძეც ესწრებოდნენ.
„დღევანდელი შეხვედრა მანიშნებელია, რომ ვაპირებთ, უზრუნველვყოთ მაქსიმალური საზოგადოებრივი ჩართულობა და ვიბრძოლოთ, რომ მოსამართლეთა თანამდებობაზე კეთილსინდისიერი ხალხი მოხვდეს. გვიხარია, რომ ეს პარლამენტი გახსნილია არა მხოლოდ გიორგი მიქაუტაძისთვის, რომელსაც ხვდებოდა ირაკლი კობახიძე, არამედ ხალხისთვის. ჩანს, რომ საქართველოს პარლამენტის დამოუკიდებელი დეპუტატები, ასევე მე, ნაზი ჯანეზაშვილი მობილიზებული ვართ, რათა ყველაფერი გავაკეთოთ კანონმდებლობის ფარგლებში, რომ კეთილსინდისიერი და გამორჩეული ადამიანები შეირჩნენ უზენაესი სასამართლოსთვის“, – განაცხადა დოლიძემ.
რაც შეეხება მოსამართლე ილონა თოდუას, რომელიც იუსტიციის უმაღლესი საბჭოს მოსამართლეთა 50 კაციან სიაშია, ანა დოლიძე ამბობს, რომ საქართველოში მათ შორის პარლამენტში, ხშირად შეიმჩნევა თვალთმაქცური ჩუქებების ნიშნები.
„შემთხვევა ყოფილა პარლამენტშიც, როცა მამამ აჩუქა, ეს არის თითქოს, კორუფციული გარიგების გადაფარვის საშუალება. ამ მოსამართლის შემთხვევაში, შეიძლება ადგილი ჰქონდეს თვალთმაქცურ ჩუქებას. უცნაურად ემთხვევა შემოსავლის მიღება საცხოვრებელი ქირის მეშვეობით და მისი მხრიდან ბინის გადაფორმების ფაქტი. ამას შესწავლა სჭირდება, მაგრამ აღნიშნული ტენდენცია გავრცელებულია, მათ შორის პარლამენტში. აღმოჩნდება, რომ გული გაეხსნებათ და მოუნდებათ, მშობლებმა აჩუქონ ბინები და ათასობით დოლარები. ამგვარ გარიგებებს თვალთმაქცობის ნიშნები აქვს და ხშირად კორუფციაზე მიუთითებს“, – განაცხადა დოლიძემ.
დღევანდელ შეხვედრაზე იუსტიციის საბჭოს არამოსამართლე წევრმა ნაზი ჯანეზაშვილმა განაცხადა, რომ მას აქვს ყველა დოკუმენტაცია, რომელიც ადასრტურებს, რომ იუსტიციის საბჭოს წევრმა, ილონა თოდუამ საკუთარი ბინა დედაზე გადააფორმა, სახლის ქირის თანხას კი, საბჭოდან იღებდა.
საქართველოს უზენაესი სასამართლოს მოსამართლეობის 50 კანდიდატთან გასაუბრება იუსტიციის უმაღლეს საბჭოში 17 ივლისს, 11:00 საათიდან დაიწყება. გასაუბრების შემდეგ, იუსტიციის უმაღლესი საბჭო ფარული კენჭისყრის მეშვეობით უზენაესი სასამართლოს მოსამართლეობის პარლამენტისთვის წარსადგენ 20 კანდიდატს შეარჩევს.
აNიშნულ ინფორმაციას პირველი რადიო ავრცელებს.