უკან
საზოგადოება
21 მარტი, 2017 12:10
გასული დღე-ღამის განმავლობაში ძლიერი ქარის გამო 112-ში 100-ზე მეტი გამოძახება დაფიქსირდა
თბილისის მერიის საგანგებო სამსახურები ძლიერი ქარის გამო გასული ღამის განმავლობაში სპეციალურ რეჟიმში მუშაობდნენ.
112-ში გასული დღე-ღამის განმავლობაში 100-ზე მეტი გამოძახება დაფიქსირდა.
ძლიერმა ქარმა დედაქალაქში ძირითადად ხეები და შენობის სახურავები დააზიანა, რამდენიმე ადგილზე მოგლიჯა სარეკლამო ბანერები.
ქარის შედეგად სანზონაში პირველი საუნივერსიტეტო კლინიკის ეზოში ხე დააზიანა, უსაფრთხოებისთვის საჭირო გახდა მისი მთლიანად მოჭრა.
დიდუბეში, ხოშარაულის ქუჩაზე კი ქარმა რამდენიმე ობიექტს, სადაც ავტომობილების ტექნიკური მომსახურება ხდება - სახურავი ახადა.
აღსანიშნავია, რომ სინოპტიკოსების პროგნოზით, ქარის გაძლიერება დღესაც მოსალოდნელია.
ნინო ექვთიმიშვილი