უკან

უახლესი ამბები

დღის კალენდარი

ანონსები

არქივი

პოლიტიკა

20 იანვარი, 2017 15:40
font-size

,,გაზპრომთან’’ გაფორმებული ახალი ხელშეკრულებით საქართველო დაახლოებით 16 მილიონ აშშ დოლარს კარგავს - დავით თარხან-მოურავი

,,პატრიოტთა ალიანსის’’ ერთ-ერთი ლიდერი, დავით თარხან-მოურავი ამბობს, რომ ,,გაზპრომთან’’ გაფორმებული ახალი ხელშეკრულებით საქართველო დაახლეობით 16 მილიონ აშშ დოლარს კარგავს.

როგორც დავით თარხან-მოურავმა დღეს გამართულ ბრიფინგზე განაცხადა, საქართველოსთვის უფრო მომგებიანი იქნებოდა, თუ კვლავაც გატარებული გაზის 10%-ს მიიღებდა.

,, 2016 წელს და წინა წლებშიც, რუსეთი საქართველოს გავლით აწვდის გაზს სომხეთს. 2016 წელს გაზის მოცულობა, რომელიც რუსეთმა მიაწოდა საქართველოს გავლით სომხეთს, შეადგინა 2 მილიარდ 100 მილიონი კუბური მეტრი დაახლოებით.

რუსული და სომხური პრესიდან ჩვენ შეგვიძლია შევიტყოთ, რომ წელს სავარაუდო მოცულობა იქნება 2 მილიარდ 400 მილიონი კუბური მეტრი ან მეტი და მომავალ წლებში ეს მოცულობა კიდევ უფრო გაიზრდება.

საქართველოს ტრადიციულად რჩებოდა ამ გატარებული მოცულობის გაზის 10 %. თუ ჩვენ კონცენტრირებას გავაკეთებთ ციფრზე - 2 მილიარდ 400 მილიონი კუბური მეტრი, ეს ნიშნავს, რომ საქართველოს უნდა დარჩენოდა 240 მილიონი კუბური მეტრი გაზი. ჩვენ უნდა შევეცადოთ, რომ შევაფასოთ ამ გაზის ღირებულება ფულში. ფასი ჩვენთვის უცნობია 1000 კუბურ მეტრზე, მაგრამ სრულიად ნათელია, რომ ეს ფასი ვერ იქნება 185 $-ზე ნაკლები. ეს კი ნიშნავს, რომ თუ ჩვენ დაგვრჩებოდა 240 მილიონი კუბური მეტრი გაზი, მისი ღირებულება ფულადი უნდა ყოფილიყო 44 მილიონ 400 ათასი დოლარი ან მეტი.

ყველა ქვეყანა, რომელიც ყიდის გაზს, ყველა ცდილობს, რომ ტრანზიტში გადაიხადოს ფული და არა დატოვოს პროცენტი გაზის მოცულობიდან იმიტომ, რომ სატრანზიტო ღირებულება ყოველთვის არის ძალიან იაფი, 100 კილომეტრზე 100 კუბური მეტრით გავლილი მოცულობიდან ხდება სატრანზიტო გადასახადის ანგარიში და ის 3 დოლარის ფარგლებში ტრიალებს, ძალიან კარგი ფასია 4 $ და საერთოდ წარმოუდგენელი ფასია 5 $. თუ ჩვენ დავუშვებთ, რომ ჩვენმა ხელისუფლებამ შეიძლება მიაღწიოს 5 $-ს, დაახლოებით 220 კილომეტრი არის სიგრძე იმ მილისა, რომლითაც გაზი გაივლის საქართველოს გავლით, ეს ნიშნავს, რომ მთელ სიგრძეში ჩვენ მივიღებთ 12 დოლარს. ამას თუ გადავამრავლებთ კუბურ მეტრებზე, ეს ნიშნავს, რომ მაქსიმუმ 28 მილიონ დოლარს მიიღებს ქვეყანა ამ შემთხვევაში. ჩვენ უნდა დავინახოთ, რომ 10% გაზის ეს არის მინიმუმ 44 მილიონ 400 ათასი დოლარი, თუ გადასახადი იქნება კილომეტრი კუბურ მეტრზე, ეს არის - 28 მილიონი დოლარი. დანაკარგი სრულიად ნათელია, რომ 16 მილიონი დოლარი ან მეტი იქნება ჩვენთვის. ამით მინდა გავიაზროთ, რომ ყველა შემთხვევაში წამგებიანი ჩვენთვის ეს მიდგომა. რომც დავუშვათ, რომ წელს იქნება შერეული ციკლი და ნაწილი იქნება გაზით და ნაწილი ფულით, რომც დავუშვათ, რომ ძალიან კარგი 5 $-იანი ფასი იქნება, ამ შემთხვევაშიც ჩვენი დანაკარგი 2017 წელს იქნება მინიმუმ 8 მილიონიანი დოლარი. შემდეგ წლებში დანაკარგი გადააჭარბებს 16 მილიონ დოლარს. ასეთი ნაკარგი მხოლოდ იმ შემთხვევაში იქნება, თუ დავუშვებთ, რომ ფასი იქნება 5$ და არა 3$, სხვა ყველა შემთხვევაში, ბევრად უფრო დიდი იქნება დანაკარგი’’, - განაცხადა დავით თარხან-მოურავმა.

მისივე თქმით, იმ შემთხევავში, თუ ქართული მხარე არ დათანხმდებოდა გაზპრომის ახალ პირობებს, სომხეთს შესაძლოა, საქართველო ბლოკადაში დაედანაშაულებინა.

,,ასევე, უნდა გვესმომდეს, რომ ხელისუფლება არ არის მარტივ მდგომარეობაში. გასაგებია, რომ თუ უარს იტყვის გაზის გატარებაზე, მოძმე სომხეთმა შეიძლება დაგვადანაშაულოს ბლოკადაში. მსოფლიოს ყველა ქვეყანა ცდილობს, რომ სატრანზიტო გადასახადზე გადავიდეს, მაგრამ უნდა გვესმოდეს, რომ მოლაპარაკება, რომელიც ხელისუფლებამ აწარმოა, არ იყო სასარგებლო საქართველსოთვის და არ იყო ხარისხიანად წარმოებული. ასევე, უნდა ვხედავდეთ, რომ ხელისუფლებამ ყველაფერი ეს მოაქცია დიდ საიდუმლოში’’, - განაცხადა დავით თარხან-მოურავმა.

ნინო ექვთიმიშვილი

საარჩევნო კოდექსის ცვლილებაზე კანონპროექტის პარლამენტში ინიცირება უახლოეს მომავალში მოხდება - ირაკლი კობახიძე

2 აპრილი, 2020 , 19:24

საარჩევნო კოდექსის ცვლილებაზე კანონპროექტის პარლამენტში ინიცირება უახლოეს მომავალში მოხდება. აღნიშნულ საკითხთან დაკავშირებით საბოლოო კონსულტაციები დისტანციურ რეჟიმში გაიმართა, - ამის შესახებ საპარლამენტო უმრავლესობის წევ

არ გვაქვს უფლება, გამოვიდეთ და ზოგიერთი უპასუხისმგებლო პოლიტიკოსივით რაღაც დაპირებები გავცეთ - გიორგი გახარია

2 აპრილი, 2020 , 12:15

არ გვაქვს უფლება, გამოვიდეთ და ზოგიერთი უპასუხისმგებლო პოლიტიკოსებივით რაღაც დაპირებები გავცეთ. ჩვენი პასუხისმგებლობა ცოტა სხვა არის, ჩვენი პასუხისმგებლობა ნიშნავს იმას, რომ თითოეული ნათქვამი სიტყვა უნდა შესრულდეს და ასე

ჩვენ დღეს თავისუფალ ქვეყანაში ვცხოვრობთ და ევროპულ სახელმწიფოს ვაშენებთ. ამაში ზვიად გამსახურდიას დიდი წვლილი მიუძღვის - გიორგი გახარია

31 მარტი, 2020 , 20:42

ჩვენ დღეს თავისუფალ და დამოუკიდებელ ქვეყანაში ვცხოვრობთ და ევროპულ სახელმწიფოს ვაშენებთ, რაშიც ზვიად გამსახურდიას დიდი წვლილი მიუძღვის, – ამის შესახებ საქართველოს პრემიერ-მინისტრი სოციალურ ქსელში წერს. „დღეს

სახლში დარჩენის გარდა, რას სთავაზობს ხელისუფლება ხალხს?! - ნინო ბურჯანაძე

31 მარტი, 2020 , 12:50

„რაც არ უნდა მძიმე იყოს ჩვენი მდგომარეობა, ჩვენ აუცილებლად გვჭირდება სტრატეგიული ანტიკრიზისული გეგმა. იმ ადამიანს, რომელსაც ეუბნები, რომ კარანტინის დროს სახლში უნდა დარჩეს, მან აუცილებლად უნდა იცოდეს ორი დღის შემდე

არც კარანტინია გამორიცხული და არაფერი - გია ვოლსკი

30 მარტი, 2020 , 16:50

თუ საგანგებო მდგომარეობა გამკაცრდება, ან საკარანტინო რეჟიმი გამოცხადდება, ეს იქნება დამყარებული არა რომელიმე პოლიტიკოსის გადაწყვეტილებაზე, ან პოპულისტურ ქმედებებზე, რაც ბოლო პერიოდში ჩვენს ოპონენტებს დასჩემდათ, არამედ ჩა

„ერთიანი საქართველო“ ხელისუფლებას ანტიკრიზისულ გეგმას სთავაზობს

28 მარტი, 2020 , 15:00

„ერთიანი საქართველოს“ ლიდერი ნინო ბურჯანაძე ხელისუფლებას ანტიკრიზისულ გეგმას სთავაზობს. „ჩვენ, „ერთიან საქართველოს“, გვინდა წარმოგიდგინოთ, შედარებით მოკრძალებული და რეალისტური გეგმა სწორედ ჩ