უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
სამართალი
გელა ხვედელიძეზე თავდასხმის საქმეში ცეცხლალსროლი იარაღი არ ფიგურირებს - შალვა ხუციშვილი
ერთადერთი რაც შემიძლია დაგიდასტუროთ, არის ის, რომ ცეცხლსასროლი იარაღი არ ფიგურირებს და დაწყებულია გამოძიება 117-ე მუხლით, რომელიც გულისხმობს ჯანმრთელობის დაზიანებას ანუ ცემას, - განუცხადა ჟურნალისტებს შს მინისტრის მოადგილემ, შალვა ხუციშვილმა გელა ხვედელიძეზე თავდასხმის ფაქტის კომენტირებისას.
მისივე თქმით, გამოძიების შედეგების დადებამდე ნაადრევია საუბარი თავდასხმის მოტივზე.
,,ხვედელიძესთან დაკავშირებით შემიძლია გითხრათ პირველი, რომ 117-ე მუხლით არის დაწყებული გამოძიება და ძალიან სწრაფად მოხდა ამ საკითხზე რეაგირება.
პირველადი მონაცემები რაც გვაქვს, არის ის, რომ ცეცხლსასროლი იარაღი არ ფიგურირებს. დანარჩენს ალბათ გვეტყვის გამოძიება, რომელიც ინტენსიურად არის დაწყებული და მიმდინარეობს.
ჯერჯერობით სანამ გამოძიების შედეგები არ იქნება, რაიმე მოტივზე საუბარი ნაადრევია’’, - განაცხადა შალვა ხუციშვილმა.
შს მინისტრის ყოფილი მოადგილე, გელა ხვედელიძე თავის არეში და სახეში მიყენებული მრავლობითი დაზიანებებით „ნიუ ჰოსპიტალის“ კლინიკაში იმყოფება.
საავადმყოფოში მივიდნენ მისი მეუღლე და ახლობლები. ადგილზე იმყოფება ხვედელიძის მეგობარი ელისო კილაძე, რომელიც თავდასხმის ფაქტს ანგარიშსწორებას უკავშირებს და ამბობს, რომ ხვედელიძე მასთან მეგობრობის გამო დაისაჯა.
არსებული ინფორმაციით, გელა ხვედელიძეს თავს საკუთარ სახლთან დღეს დაესხნენ.
ნინო ექვთიმიშვილი