უახლესი ამბები
- 01.05.2024 16:15მჯერა ქართველი ხალხის, ის საქართველოს ევროპულ გზას დაიცავს - ევროპარლამენტარი
- 01.05.2024 15:39ძალადობა უნდა შეწყდეს - საქართველოში გერმანიის ელჩი
- 01.05.2024 15:27ხელისუფლება შევიდა უმძიმეს და არასაჭირო პროცესში და ვფიქრობ, მას მოუწევს დიდი პოლიტიკური ფასის გადახდა - გიორგი კვირიკაშვილი
- 01.05.2024 15:182 მაისიდან 6 მაისამდე საქართველოში ამინდი გაუარესდება
არქივი
კომენტარი
გერმანელი და ჩვენი სპეციალისტების ძალიან დიდი თხოვნა იყო, 5-6 კვირის განმაბლობაში პატრიარქს ჰქონოდა მშვიდი რეჟიმი - ცისანა შარტავა
პატრიარქის ექიმის, ცისანა შარტავას განცხადებით, გერმანელი ექიმების თხოვნაა, უწმინდესს მშვიდი გარემო და ნაკლები დატვირთვა ჰქონდეს.
როგორც შარტავამ ჟურნალისტებს საპატრიარქოსთან განუცხადა, ილია მეორის ჯანმრთელობის მდგომარეობა სტაბილურია, როგორც ეს ოპერაციის შემდგომ პერიოდს შეეფერება.
შარტავას განცხადებით, გერმანელი ექიმების თხოვნაა 5-6 კვირის განმავლობაში მას ჰქონდეს მშვიდი რეჟიმი და რაც შეიძლება ნაკლები დატვირთვა.
”ყველაფერი ძალიან კარგად მიდის. ერთია, რომ გერმანელი და ჩვენი სპეციალისტების ძალიან დიდი თხოვნა იყო, 5-6 კვირის განმაბლობაში მას ჰქონოდა მშვიდი რეჟიმი და რაც შეიძლება ნაკლები დატვირთვა, რასაც, სამწუხაროდ, ჩვენ ვერ ვასრულებთ. ახლა ყველაფერი კარგად მიდის, მაგრამ ვშიშობთ, ამის გამო მომავალში რაღაც დისკომფორტი არ იყოს. ამიტომ ჩვენი სპეციალისტები სთხოვენ უწმინდესს, რომ როგორღაც ცოტა შემსუბუქდეს მისი დატვირთვა. ახლა მძიმე მარხვა დაიწყო. ძალიან დიდი დატვირთვაა, ამიტომ ჩვენ ექიმებს რაიმეს თქმა გვიჭირს, მაგრამ ყველაფერი კარგად მიდის. მისი ჯანმრთელობის მდგომარეობა სტაბილურია. ექიმები ძალიან კმაყოფილი ვართ ამ მდგომარეობით”, - განაცხადა ცისანა შარტავამ.
მისივე ინფორმაციით, დღეს უწმინდესი წმინდა ანდრია კრიტელის ლოცვას სამებაში დაესწრება, 1 და 2 მარტს კი, სიონის საკათედრო ტაძარში.
ნინო ექვთიმიშვილი