მსოფლიო

გერმანიაში საქართველოს ორი მოქალაქე ქურდობისთვის დააკავეს

გერმანიაში, ქალაქ აუგსბურგში პოლიციამ საქართველოს ორი მოქალაქე მაღაზიიდან დაახლოებით 400 ევროს ღირებულების პრინტერის კარტრიჯების ქურდობისთვის დააკავა.

პოლიციის თქმით, დაკავებულები 33 და 37 წლის მამაკაცები არიან. მათ გერმანიაში მუდმივი საცხოვრებელი მისამართი არ აქვთ.

ადგილობრივი მედიის ინფორმაციით, პოლიცია მაღაზიის თანამშრომელმა გამოიძახა, რომელმაც დაინახა, როგორ მალავდა ერთ-ერთი მომხმარებელი პრინტერის კარტრიჯებს ქურთუკის ქვეშ.

სამართალდამცველები ქურდის თანამზრახველი თოვლზე არსებული კვალის მიხედვით მიაგნეს. ის დაკავებულს მანქანაში ელოდებოდა. ავტომობილში პოლიციამ აღმოაჩინა ჩანთა, რომელშიც იყო 2000 ევროს ღირებულების პრინტერის კარტრიჯები, რომლებიც მოპარული იყო აღნიშნული მაღაზიის სხვადასხვა ფილიალიდან.

დაკავებულებს პატიმრობა შეეფარდათ.